‘ടൊവീനോ ഏട്ടാ ജതിൻ രാമദാസിന്റെ ഈ വിഡിയോ കണ്ടിട്ട് അഭിപ്രായം പറയണേ’ : പുത്തൻ വിഡിയോയുമായി ആവർത്തന
Mail This Article
'പെണ്ണാണ് ഭരിക്കുന്നതെങ്കിൽ, എന്താ പെണ്ണിന് കുഴപ്പം' ആരോഗ്യമന്ത്രി ഷൈലജടീച്ചറുടെ വൈറലായ ആ ചോദ്യം അനുകരിച്ച് താരമായ ആവർത്തന ശബരീഷ് വീണ്ടുമെത്തിയിരിക്കുകയാണ്. ഇത്തവണ പക്ഷേ സൂസിഫർ സിനിമയിലെ പി കെ രാമദാസിന്റെ മകന് ജതിന് രാമദാസായാണ് ഈ മിടുക്കി എത്തുന്നത്. സിനിമയിലെ ടൊവീനൊയുടെ തകർപ്പർ പ്രസംഗമാണ് ഈ കൊച്ചുമിടുക്കി അനുകരിച്ചിരിക്കുന്നത്. കെട്ടിലും മട്ടിലും മട്ടിലും അടിമുടി ജതിന് രാമദാസായി മാറിയ ആവർത്തനയുടെ ഡയലോഗ് പ്രസന്റേഷൻ ശ്രദ്ധേയമാണ്.
‘രാമദാസിൻറെ മകൻ ജതിൻ രാമദാസ്. എല്ലാവരും വിഡിയോ മുഴുവൻ കണ്ടശേഷം നിങ്ങളുടെ വിലയേറിയ അഭിപ്രായങ്ങൾ കമൻറ് ചെയ്യണം... ടൊവീനോ തോമസ് പ്ലീസ് ഏട്ടാ ഇ വിഡിയോ കാണുവാൻ സാഹചര്യം ഉണ്ടാവുകയാണെങ്കിൽ ചേട്ടന്റെ വിലയേറിയ അഭിപ്രായം കമൻറ് ചെയ്യണേ...’ എന്ന കുറിപ്പോടെയാണ് ആവർത്തന ഈ വിഡിയോ പങ്കുവച്ചിരിക്കുന്നത്.
ഷൈലജ ടീച്ചറിനെ അനുകരിച്ചാണ് ആവർത്തന സോഷ്യൽമീഡിയയിൽ താരമായത്. നിരവധി വിഡിയോകളുമായി ഈ കൊച്ചുമിടുക്കി എത്താറുണ്ട്. 'തുന്നൽ ടീച്ചർ എന്താ ടീച്ചറല്ലേ?' ഷൈലജടീച്ചറുടെ വൈറലായ ചോദ്യം അനുകരിച്ച ആവർത്തനയുടെ വിഡിയോയും വൈറലായിരുന്നു. ടീച്ചർ നടത്തിയ തീപ്പൊരി സംസാരം അതേ ഭാവത്തോടെയാണ് ആവർത്തന അവതരിപ്പിച്ചത്. പാലക്കാട് ചിറ്റൂരിലെ യങ് വേൾഡ് പ്രൈമറി സ്കൂളിലെ വിദ്യാർഥിനിയാണ് ഈ ഏഴ് വയസ്സുകാരി.
English Summary : Avarthana imitate Tovino Thomas's Jathin Ramadas in Lucifer movie