വാമ്പിഡ് - വാമ്പയർ വൈറസ്; ശ്രദ്ധ നേടി പത്ത് വയസുകാരിയുടെ പുസ്തകം

പത്താം വയസിൽ ഒരു പുസ്തകമിറക്കി ശ്രദ്ധ നേടുകയാണ് ദേവി വൈഷ്ണവി എന്ന കൊച്ചുമിടുക്കി.  വാമ്പിഡ്: വാമ്പയർ വൈറസ്  എന്ന പുസ്തകമാണ് ദേവിയുടേതായി പ്രകാശനം ചെയ്തിരിക്കുന്നത്.  ഒരു പ്രത്യേക പ്രദേശത്തെ ഒരു കൂട്ടം ആളുകളെ മാരകമായ വൈറസ് എങ്ങനെ ബാധിക്കുന്നുവെന്നതാണ് പുസ്തത്തിന്റെ ഇതിവൃത്തം. രണ്ട് കുടുംബങ്ങളുടെ മലയോരത്തേക്കുള്ള പര്യവേഷണത്തോടെയാണ് കഥ ആരംഭിക്കുന്നത്, അവിടെ അവർക്ക് ചില വിചിത്രമായ ചില സംഭവങ്ങൾ അനുഭവപ്പെടുന്നു. പാതിവഴിയിൽ അവർക്ക് തിരിച്ചു പോകാനുമാകുന്നില്ല. അവരുടെ, ദുരവസ്ഥ ഒരിക്കലും അവസാനിക്കുന്നുമില്ല.

ദേവിയുടെ ആദ്യ പുസ്തകമാണ് വാമ്പിഡ്: വാമ്പയർ വൈറസ്.  ഈ പകർച്ചവ്യാധിക്കാലത്തിന്റെ മാരകമായ ദിവസങ്ങളെ പ്രതിഫലിപ്പിക്കുന്നു ഈ പുസ്തകം. പകർച്ചവ്യാധിയിൽ ജീവൻ നഷ്ടപ്പെട്ടവർക്ക് ആദരാഞ്ജലികൾ അർപ്പിക്കുന്നതും വൈറസിനെതിരെ പോരാടാൻ കഠിനമായി പരിശ്രമിക്കുന്നവർക്കുള്ള ആദരവ് അർപ്പിക്കുക കൂടിയാണ് ഈ പുസ്തകത്തിലൂടെ ഈ ചെറിയ എഴുത്തുകാരി. ദ പ്രോമിസ്‍ എന്ന കവിതയും ദേവിയുടേതായി പുറത്തിറങ്ങിയിട്ടുണ്ട്. 

അജ്മാനിൽ ഇന്റർ നാഷണൽ ഹാബിറ്റാറ്റ് സ്കൂളിലെ അഞ്ചാം ക്ലാസ് വിദ്യാർധിനിയാണ് ദേവി വൈഷ്ണവി.  റാവിസ് ഗ്രൂപ്പില്‍ പർച്ചേസിങ് മാനേജറായ വിഷ്ണു പ്രകാശിന്റേയും അജ്മാനിലെ  ഇന്ത്യൻ ഇന്റർനാഷനൽ സ്കൂളിലെ  ഇംഗ്ലീഷ് ഡിപ്പാർട്ട്മെന്റ് മേധാവിയായ അനിത പി പണിക്കരുടേയും മകളാണ് ദേവി.

English Summary : Vampid the Vampire Virus book by ten year old Devi Vaishnavi