മകൾക്ക് സർപ്രൈസ് ഒരുക്കി ഗിന്നസ് പക്രു; സന്തോഷത്തിൽ നിറഞ്ഞ് ദീപ്തകീർത്തി
Mail This Article
മക്കളുടെ കൊച്ചുകൊച്ചു ആഗ്രഹങ്ങൾ സാധിച്ചു കൊടുക്കുമ്പോൾ അവരുടെ മുഖത്തു വിരിയുന്ന ആ സന്തോഷം വിലമതിക്കാനാകാത്തതാണ്. സർപ്രൈസായി അവർക്കു മുന്നിലെത്തുന്ന ഒരു കുഞ്ഞു സമ്മാനത്തിലും രക്ഷിതാക്കളുടെ നിറഞ്ഞ സ്നേഹവുമുണ്ട്. അത്തരത്തിൽ മകൾ ദീപ്തകീർത്തിയ്ക്ക് ഒരു തകർപ്പൻ സമ്മാനം കൊടുത്തിരിക്കുകയാണ് ഗിന്നസ് പക്രുവെന്ന അജയകുമാർ.
വർണക്കലാസിൽ പൊതിഞ്ഞെത്തിയ ആ സമ്മാനപ്പൊതിയഴിക്കുമ്പോൾ നിറഞ്ഞ ആകാംഷയോടെ അരികിൽ നിൽക്കുകയാണ് ദീപ്തകീർത്തി. പൊതിയ്ക്കുള്ളിൽ തനിക്ക് പ്രിയപ്പെട്ട നായക്കുട്ടിയെയാണ് അച്ഛൻ ഒളിപ്പിച്ചതെന്നു കണ്ടതോടെ സന്തോഷം കൊണ്ടു മതിമറക്കുകയാണ് മകൾ. ‘ദീപ്തകീർത്തിയ്ക്കുള്ള സർപ്രൈസ്’ സമ്മാനമെന്ന കുറിപ്പോടെയാണ് അജയകുമാർ ഈ ക്യൂട്ട് വിഡിയോ പങ്കുവച്ചിരിക്കുന്നത്.
അച്ഛന്റെയൊപ്പം ഇടയ്ക്കിടെ ഇത്തരം പരിപാടികൾക്കൊക്കെ ദീപ്തകീർത്തി പോകാറുണ്ട്. കുറെയേറെ കഴിവുകൾ കൊണ്ട് ആളുകളുടെ മനസ്സിലും ഗിന്നസ് ബുക്കിലും ഇടം നേടിയ ആളാണ് നമ്മുടെ പ്രിയപ്പെട്ട അജയകുമാർ. 2006 ലായിരുന്നു അജയകുമാർ വിവാഹിതനായത്.
English Summary : Actor Guinness Pakru post video of surprise gift to daughter