വായനയിൽ മുഴുകി ആലി, കൂട്ടിന് സോറോയും ; മകളുടെ ചിത്രം പങ്കുവച്ച് സുപ്രിയ

പുസ്തക വായനയിൽ മുഴുകിയിരിക്കുന്ന ആലിയുടെ ചിത്രമാണ് സുപ്രിയ ഇന്നു പങ്കുവച്ചിരിക്കുന്നത്. ബുക്കുമായിരിക്കുന്ന ആലിക്കുട്ടിയുടെ കസേരയുടെ താഴെ വളർത്തു നായ സോറോ നല്ല ഉറക്കത്തിലാണ്. വേനൽ അവധിയിലാണ് അലംകൃതയെന്നും നിങ്ങളുടെ കുട്ടികൾ എങ്ങനെയാണ് വേനലവധി ആഘോഷിക്കുന്നതെന്നുമാണ് സുപ്രിയ ചിത്രത്തിന് താഴെ കുറിച്ചിരിക്കുന്നത്. 

പതിവു പോലെ കുട്ടിത്താരത്തിന്റെ മുഖം പൂർണമായും ചിത്രത്തിൽ വ്യക്തമല്ലെങ്കിലും ആലിയെ കാണാനായതിന്റെ സന്തോഷം പലരും കമന്റുകളില്‍ പങ്കുവച്ചു. നിങ്ങളുടെ കുട്ടികൾ എങ്ങനെയാണ് വേനലവധി ആഘോഷിക്കുന്നതെന്ന ചോദ്യത്തിന് ഉത്തരവുമായി നിരവധിപ്പേരുമെത്തി.

ചിത്രത്തിന് രസകരമായ നിരവധി കമന്റുകളുമുണ്ട്. ആലി വായിക്കുന്നത് കേട്ട് കിടക്കുകയാണ് സോറോയെന്നാണ് ഒരാളുടെ കമന്റ്. ആലിയുടെ മുഖത്തിന്റെ ഒരു ഭാഗമെങ്കിലും കണ്ടല്ലോ എന്നാണ് മറ്റൊരു കമന്റ്. 

English Summary : Supriya Menon Prithviraj post daughter Alankritha reading photo