ഞാവൽപഴം, മീൻപിടുത്തം പിന്നെ തങ്കക്കൊലുസിന്റെ കല്യാണം !
Mail This Article
ചാച്ചനും ഉമ്മിയ്ക്കും അമ്മയ്ക്കുമൊപ്പം പുഴയിൽ മീൻപിടിക്കാൻ പോകുന്ന തങ്കക്കൊലുസിന്റെ ഒരു വിഡിയോയാണ് സാന്ദ്ര തോമസ് ഇത്തവണ പങ്കുവച്ചിരിക്കുന്നത്. കുട്ടി കുസൃതികളും കൊഞ്ചലുകളുമായി വീണ്ടും സോഷ്യൽ ലോകം കീഴടക്കുകയാണ് ഈ കുരുന്നുകൾ. പാടത്തും പറമ്പിലുമൊക്കെ നടന്ന് കാഴ്ചകൾ കണ്ടാണ് പുഴയിലേയ്ക്കുള്ള തങ്കക്കൊലുസുകളുടെ യാത്ര. ജീവിതത്തിലെ ഒരോ നിമിഷവും ആഘോഷമാക്കുന്ന ഈ കുട്ടിത്താരങ്ങൾക്ക് നിരവധി ആരാധകരുണ്ട്.
പോകുംവഴി മരത്തിൽ നിന്നും വീണു കിട്ടിയ ഞാവൽ പഴങ്ങള് കഴിക്കുകയാണ് തങ്കവും കുൽസുവും. ഇതിനിടയിൽ തങ്കത്തിനൊരു പൊട്ടു തൊട്ടു കൊടുക്കുകയാണ് കുൽസു. ഉടനെ തന്റെ കല്യാണമായെന്നാണ് തങ്കത്തിന്റെ പ്രതികരണം. പതിവുപോലെ ഈ കുട്ടിത്താരങ്ങളുടെ വിഡിയോയ്ക്ക് താഴെ ലൈക്കുകളും കമന്റുകളും കൊണ്ട് നിറയുകയാണ്
നടിയും നിർമാതാവുമായ സാന്ദ്ര തോമസ് സോഷ്യൽമീഡിയയിൽ വളരെ സജീവമാണ്. സാന്ദ്രയുടെ ഇരട്ടക്കുട്ടികളായ ഉമ്മുക്കുല്സുവിന്റെയും ഉമ്മിണിത്തങ്കയുടെയും വളർച്ചയുടെ ഓരോ ഘട്ടങ്ങളും പങ്കുവയ്ക്കാനായി ഒരു യുട്യൂബ് ചാനൽതന്നെയുണ്ട്. മറ്റു കുട്ടികളിൽ നിന്ന് വേറിട്ട് അക്ഷരാർത്ഥത്തിൽ പ്രകൃതിയോടിണങ്ങി ജീവിക്കുന്ന ഈ കുഞ്ഞുങ്ങളുടെ ഓരോ വിശേഷങ്ങളും സോഷ്യൽ മീഡിയ ഇരുകൈയ്യും നീട്ടിയാണ് സ്വീകരിക്കുന്നത്. തങ്കക്കൊലുസുകളുടെ ഒരോ വിഡിയോകൾക്കുമായി ആരാധകർ ആവേശത്തോടെയാണ് കാത്തിരിക്കുന്നത്. ഇരട്ടക്കുട്ടികളാണ് കെൻഡലിനും കാറ്റ്ലിനും. തങ്കക്കൊലുസുകൾ എന്നാണ് മക്കൾക്ക് സാന്ദ്രയും ഭർത്താവ് വിൽസൺ ജോണും നൽകിയ വിളിപ്പേര്.
English Summary: Sandra Thomas post a video with her daughters Thankakkolusu