ബിഗ് ബ്രദറിന് ആശംസയുമായി കുഞ്ഞനുജത്തി; നിവിന്റെ ദാദയ്ക്കിന്ന് പിറന്നാൾ

മലയാളത്തിന്റെ പ്രിയതാരം നിവിന്‍ പോളിയുടെ മകന്‍ ദാദയുടെ ഒൻപതാം പിറന്നാള്‍ ആണിന്ന്. കുഞ്ഞനുജത്തി റോസ് ട്രീസയ്​ക്കൊപ്പമുള്ള ദാവീദിന്റെ ഒരു ക്യൂട്ട് ചിത്രമാണ് പിറന്നാൾ സ്പെഷലായി നിവിൻ പങ്കുവച്ചത്. ‘ഹാപ്പി ബർത്ത് ഡേ മൈ ബിഗ് ബ്രദർ’ എന്നാണ് ചിത്രത്തിന് അടിക്കുറിപ്പിട്ടിരിക്കുന്നത്. നിവിൻ പോളിയുടെ സൂപ്പർസ്റ്റാർ ദാദയെന്നു വിളിക്കുന്ന മകന്‍ ദാവീദിനും ആരാധകര്‍ ഒട്ടും കുറവല്ല. 

ചിത്രത്തിന് താഴെ പിറന്നാൾ ആശംകളുമായി ആരാധകരും താരങ്ങളുമെത്തി. അജു വർഗീസ്, റോഷൻ ആൻഡ്രൂസ്, ഗ്രെയ്സ് ആന്റണി, വിനയ് ഫോർട്ട് തുടങ്ങിയ പ്രമുഖർ ദാവീദിന് പിറന്നാൾ ആശംസകൾ നേർന്നു.  കഴിഞ്ഞ മെയ് 25നായിരുന്നു ദാദയുടെ അനുജത്തി റോസ് ട്രീസയുടെ അഞ്ചാം പിറന്നാൾ. 

വളരെ അപൂർവമായേ നിവിൻ കുടുംബവുമൊത്തുള്ള ചിത്രങ്ങളും വിശേഷങ്ങളുമൊക്കെ പങ്കുവയ്ക്കാറുള്ളൂ. മക്കളുടെ പിറന്നാൾ ദിവസങ്ങളിലാണ് താരം അവരുടെ ചിത്രങ്ങൾ സാധാരണ പങ്കുവയ്ക്കാറുള്ളത്.  അതുകൊണ്ടുതന്നെ മക്കളുടെ ഈ ക്യൂട്ട് ചിത്രം ആരാധകർ ഏറ്റെടുത്തിരിക്കുകയാണ്.

English summary: Nivin Pauly's son Daveed turns nine