‘ഇത് ഞങ്ങളുടെ പ്രിയപ്പെട്ടവൾ’; കൺമണിയുടെ പേര് പങ്കുവച്ച് സിജു വിൽസൻ
Mail This Article
യുവതാരം സിജു വിൽസനും ഭാര്യയ്ക്കും ആദ്യത്തെ കൺമണിയായി മകൾ ജനിച്ചത് അടുത്തിടെയാണ്. ഈ സന്തോഷം താരം സോഷ്യൽ മീഡിയയിൽ പങ്കുവച്ചിരുന്നു. ഇപ്പോഴിതാ, മകളുടെ പേരും താരം സോഷ്യൽ മീഡിയയിലൂടെ പ്രിയപ്പെട്ടവരുമായി പങ്കുവച്ചിരിക്കുകയാണ്. മെഹർ സിജു വിൽസൺ എന്നാണ് താരം മകൾക്ക് പേര് നൽകിയിരിക്കുന്നത്. കുഞ്ഞിനും ഭാര്യയ്ക്കുമൊപ്പമുള്ള മനോഹരമായ ചിത്രങ്ങളും താരം പോസ്റ്റ് ചെയ്തിരിക്കുന്നു.
‘ഞങ്ങളുടെ ജീവിതത്തിലെ പുതിയ പ്രണയം, ഞങ്ങളുടെ പ്രിയപ്പെട്ടവൾ മെഹർ സിജു വിൽസൺ’ എന്നാണ് മകളുടെ പുത്തൻ ചിത്രങ്ങൾക്കൊപ്പം താരം കുറിച്ചത്. അനു സിത്താര, ടൊവിനോ തോമസ്, ദൃശ്യ തുടങ്ങി സിനിമാ രംഗത്തു നിന്നുൾപ്പെടെ നിരവധിപ്പേരാണ് കുഞ്ഞു മെഹറിന് സ്നേഹവുമായി എത്തിയത്.
ജീവിതത്തിന്റെ പുതിയ ഘട്ടത്തിലേക്ക് കടന്നതിന്റെ ആവേശത്തിലാണ് എന്ന കുറിപ്പുമായാണ് കുഞ്ഞ് ജനിച്ച വിശേഷം താരം പങ്കുവച്ചത്. വിനീത് ശ്രീനിവാസന്റെ മലർവാടി ആർട്ട്സ് ക്ലബ് എന്ന സിനിമയിലൂടെയാണ് സിജു വിൽസൻ അഭിനയജീവിതത്തിനു തുടക്കമിടുന്നത്.വിനയൻ സംവിധാനം ചെയ്യുന്ന പത്തൊൻപതാം നൂറ്റാണ്ടാണ് സിജുവിന്റെ പുതിയ ചിത്രം.
English summary: Actor Siju Wilson post photos with daughter