പെരുമഴയത്ത്, വഴിയരികിൽ ഓൺലൈൻ ക്ലാസിൽ മകൾ; ഒപ്പം കരുതലിന്റെ കുടയുമായി അച്ഛൻ
Mail This Article
പെരുമഴയത്ത് വഴിയരികിലിരുന്ന് ഓൺലൈൻക്ലാസിൽ പങ്കെടുക്കുന്ന ഒരു വിദ്യാർഥിനിയുടെ ചിത്രം വൈറലാകുകയാണ്. മകൾക്ക് മഴ നനയാതിരിക്കാൻ കരുതലിന്റെ കുടയുമായി അരികിൽ അച്ഛനുണ്ടെന്നതാണ് ഈ ചിത്രത്തെ കൂടുതൽ മനോഹരമാക്കുന്നത്. വീട്ടിൽ നെറ്റ് വർക്ക് കിട്ടാത്തതിലാലാണ് ഇവർ ഓൺലൈൻ ക്ലാസിന്റെ സമയത്ത് വഴിയരികിൽ വന്നു നിൽക്കുന്നത്. കർണാടകയിലെ ബല്ലക ഗ്രാമത്തിൽ നിന്നുള്ള ഈ ചിത്രം പകർത്തിയത് മാധ്യമപ്രവർത്തകനായ മഹേഷ് പുച്ചപ്പാഡിയാണ്.
മകൾ ഓൺലൈൻ ക്ലാസിൽ പങ്കെടുക്കുമ്പോൾ അച്ഛൻ നാരായണനാണ് കുട പിടിച്ച് അരികിൽ നിൽക്കുന്നത്. ഓൺലൈൻ ക്ലാസിന്റെ നേരമാകുമ്പോൾ ദിവസേന ഈ അച്ഛനും മകളും ഈ വഴിയരികിലെത്താറുണ്ടെന്നും അദ്ദേഹം പറയുന്നു. കർണാടകയിലെ പല ഉൾഗ്രാമങ്ങളിലെയും അവസ്ഥ വ്യത്യസ്തമല്ല.
മകളുടെ ഓൺലൈൻ ക്ലാസിനായി ഇത്രയേറെ കരുതൽ കാണിക്കുന്ന ആ അച്ഛനെ അഭിനന്ദനങ്ങൾ കൊണ്ടു മൂടുകയാണ് സോഷ്യൽ ലോകം. കംപ്യൂട്ടറോ മൊബൽഫോണോ ഇന്റർനെറ്റോ ഒക്കെയില്ലാതെ ഓൺലൈൻ ക്ലാസ് നഷ്ടപ്പെടുത്തേണ്ടി വരുന്ന നിരവധി കുട്ടികളാണ് നമുക്കു ചുറ്റുമുള്ളത്.
English summary: Karnataka father holds umbrella for daughter while attends online class on roadside heavy rains