'വാല് കണ്ടാൽ വിമാനത്തിന്റെ പേര് പറയും'; റെക്കോർഡ് നേട്ടവുമായി ആറുവയസുകാരി

വിമാനങ്ങളെ  വാൽഭാഗം കണ്ട് തിരിച്ചറിഞ്ഞ് ആറ് വയസ്സുകാരി. തൊണ്ണൂറ്റി മൂന്ന് വിമാനങ്ങളാണ് ഈ കൊച്ചു മിടുക്കി അതിന്റെ വാൽഭാഗം കണ്ട് തിരിച്ചറിഞ്ഞ്. ഓർമശക്തിയിൽ ലോക റെക്കോർഡാണ് ആർന സ്വന്തമാക്കിയത്. ഒരു മിനിറ്റാണ് വിമാനങ്ങളെ തിരിച്ചറിയാനെടുത്ത ആകെ സമയം. ഹരിയാനയിലെ പഞ്ചകുല സ്വദേശിനി ആർന ഗുപ്തയാണ് താരം.

ഈ മാസം ഒന്നിനാണ് ഇന്റർനാഷണൽ ബുക്ക് ഓഫ് റെക്കോർഡ്സ് സർട്ടിഫിക്കറ്റ് കൊച്ചുമിടുക്കിയെ തേടിയെത്തിയത്. ചന്ദിഖർ കോൺവെന്റ് സ്കൂൾ വിദ്യാർഥിനിയാണ് ആർന ഗുപ്ത. കാര്യങ്ങൾ പഠിക്കാനും ഓർത്തെടുക്കാനുമുള്ള മകളുടെ കഴിവ് കണ്ട അമ്മ നേഹയാണ് ആർനയുടെ വിജയത്തിന് പിന്നിൽ.

English summary: Six year old girl sets world record by identifying 93 aeroplane tails