വാര്‍ത്താ അവതാരകരെ തകർത്ത് കളിയാക്കി ഏഴു വയസുകാരൻ; വിഡിയോ വൈറൽ

വാര്‍ത്താ അവതാരകരെയും റിപ്പോര്‍ട്ടര്‍മാരെയും ട്രോളിയുള്ള ഏഴു വയസുകാരന്റെ വിഡിയോ തമിഴ്നാട്ടില്‍ വന്‍ ഹിറ്റ്. കോയമ്പത്തൂര്‍ സ്വദേശി  റിത്വിക് സ്വന്തം യൂട്യൂബ് ചാനലില്‍ അപ്്ലോഡ് ചെയ്ത വിഡിയോ സമൂഹമാധ്യമങ്ങളിൽ ഒരാഴ്ച കൊണ്ടു കണ്ടത് ഇരുപതു ലക്ഷത്തിലധികം പേരാണ്. 

കുഞ്ഞു റിത്വിക്കിന്റെ അവതരണ ശൈലിയും വ്യക്തമായ ഉച്ചാരണവുമൊക്കെ ശരിക്കുമുള്ള അവതാരകരെ ഓർമിപ്പിക്കും. ഈ കുട്ടിത്താരത്തിന് ഒരൊറ്റ വിഡിയോയിലൂടെ നിരവധി ആരാധകരേയും കിട്ടി.

രാജ്യത്തെ ഏറ്റവും പ്രായം കുറഞ്ഞ അവതാരകനും റിപ്പോര്‍ട്ടറും എഡിറ്ററുമൊക്കെ ആയി മാറി ഈ വിഡിയോയിലൂടെ റിത്വിക്

പാലക്കാട്ടുകാരി ആശദാസിന്റെയും തമിഴ് സിനിമ മേഖലയില്‍ ജോലി ചെയ്യുന്ന ആന്ധ്രപ്രദേശ് സ്വദേശി ജ്യോതിരാജിന്റെയും മകനാണു റിത്വിക്. ലോക്ഡൗണില്‍ വീട്ടില്‍ ത്തന്നെയിരിക്കുന്നതിന്റെ മടുപ്പ് ഒഴിവാക്കാനായി ഈ രണ്ടാം ക്ലാസുകാരന്റെ ബുദ്ധിയില്‍ വിരിഞ്ഞതാണു റിതു റോക്സെന്ന യുട്യൂബ് ചാനൽ.

English summary: Seven year old coimbatore boy's brilliant spoof video