ഇതാണ് ജൂനിയർ ചീരുവിന്റെ യഥാർഥ പേര്: വിഡിയോ പങ്കുവച്ച് മേഘ്ന രാജ്

HIGHLIGHTS
  • രാജകുമാരൻ എന്നാണ് സംസ്കൃതത്തിൽ റയാൻ എന്ന പേരിന്റെ അർഥം
meghana-raj-sarja-reveals-sons-name
ചിത്രത്തിന് കടപ്പാട് : ഇൻസ്റ്റഗ്രാം
SHARE

നടി മേഘ്ന രാജിന്റെയും ചിരഞ്ജീവി സർജയുടെയും മകന് റയാൻ രാജ് സർജ എന്നു പേരിട്ടു. ഇൻസ്റ്റഗ്രാമിൽ പങ്കുവച്ച വിഡിയോയിലൂടെയാണ് മേഘ്ന കുഞ്ഞിന്റെ പേര് ആരാധകരോട് പറഞ്ഞത്. ജൂനിയർ ചീരു എന്നു പറഞ്ഞാണ് മേഘ്ന പലപ്പോഴും മകന്റെ വിശേഷങ്ങള്‍ പങ്കുവയ്ക്കാറ്.  ഇപ്പോഴിതാ കുഞ്ഞിന്റെ വളർച്ചാ ഘട്ടങ്ങളുടെ ചിത്രങ്ങളടങ്ങിയ ഒരു വിഡിയോ പോസ്റ്റ് ചെയ്തുകൊണ്ടാണ് മേഘ്ന പേര് വെളിപ്പെടുത്തിയത്. രാജകുമാരൻ എന്നാണ് സംസ്കൃതത്തിൽ റയാൻ എന്ന പേരിന്റെ അർഥം

മകന്റെ കുഞ്ഞു വിശേഷങ്ങള്‍ നടി സോഷ്യല്‍മീഡിയയില്‍ പങ്കുവയ്ക്കാറുണ്ട്. ജൂനിയർ ചീരുവിന് പത്ത് മാസമായപ്പോൾ മകന്റെ മനോഹരമായ ചിത്രം ആരാധകരുമായി പങ്കുവച്ചിരുന്നു. 2020 ജൂൺ ഏഴിനായിരുന്നു മേഘ്നയുടെ ഭർത്താവ് ചിരഞ്ജീവി സർജ ഹൃദയാഘാതത്തെ തുടർന്ന് മരണമടയുന്നത്. മേഘ്ന രാജ് ഗർഭിണിയായിരിക്കെയായിരുന്നു ആ അപ്രതീക്ഷിത വിടവാങ്ങൽ. ആ തീരാവേദനയിലും മേഘ്ന പിടിച്ചു നിന്നത് മകൻ മൂലമാണ്. 

2020 ഒക്ടോബർ 22 നാണ് മേഘ്ന ആൺകുഞ്ഞിന് ജന്മം നൽയത്. മേഘ്നയെപ്പോലെ ജൂനിയർ ചീരുവെന്നാണ് കുഞ്ഞിനെ സ്നേഹത്തോടെ ആരാധകരും വിളിക്കുന്നത്. ശ്രീകൃഷ്ണ ജയന്തി ദിനത്തിൽ ഉണ്ണിക്കണ്ണനായി ഒരുങ്ങിയ ജൂനിയർ ചീരുവിന്റെ ചിത്രം പങ്കുവച്ചിരിരുന്നു മേഘ്ന രാജ്. കുട്ടികൃഷ്ണന് ആശംസകളുമായി നിരവധിപ്പേരാണ് എത്തിയത്.

English summary: Meghana Raj Sarja reveals son's name

Disclaimer

നിങ്ങളുടെ കുട്ടിക്ക് എന്തിലെങ്കിലും പ്രത്യേക കഴിവുണ്ടോ? അധികമാരും കൈവയ്ക്കാത്ത ഏതെങ്കിലും മേഖലയിൽ മിടുക്കു കാട്ടുന്നുണ്ടോ? എങ്കിൽ മനോരമ ഓൺലൈനിലൂടെ അവരെ ലോകം അറിയട്ടെ. കുട്ടിയെപ്പറ്റിയുള്ള വിവരണം ഞങ്ങൾക്ക് അയച്ചു തരിക. കുട്ടിയുടെ പേര്, മാതാപിതാക്കളുടെ വിലാസം, ബന്ധപ്പെടാനുള്ള ഫോൺ നമ്പർ, കുട്ടിയുടെ ഫോട്ടോ എന്നിവ children@mm.co.in എന്ന മെയിൽ ഐഡിയിലേക്ക് അയയ്ക്കാം.  

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN KIDZ-CLUB
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Video

എന്നെ വിമർശിച്ചോളൂ, എന്തിനു വീട്ടുകാരെ പറയണം? | Anusree | Manorama Online

MORE VIDEOS
FROM ONMANORAMA