ADVERTISEMENT

കോവിഡും ലോക്ഡൗണും സോഷ്യൽ‌ മീഡിയയ്ക്ക് സമ്മാനിച്ചത് നിരവധി കുട്ടി വ്ലോഗർമാരെയാണ്. രക്ഷിതാക്കളുടെ കണ്ണുവെട്ടിച്ച് കണ്ണിൽ കാണുന്നതെല്ലാം വിഡിയോയാക്കി പല കുരുന്നുകളാണ് ഈ കോവിഡ് കാലത്ത് വൈറലായത്. ഓൺലൈൻ ക്ലാസിന്റെ പരാധീനതകൾ പറഞ്ഞും പാട്ട് പാടിയും ഡാൻസ് കളിച്ചുമൊക്കെ എത്തിയ ഇവരെ സമൂഹമാധ്യവവും കൈനീട്ടി സ്വീകരിച്ചു.  ഇപ്പോഴിതാ ‘ഗ്ലൂ ഗ്ലൂസ്’ പൊടി പരിചയപ്പെടുത്തി എത്തിയിരിക്കുകയാണ് ഒരു കുട്ടിക്കുറുമ്പൻ. 

 

ഗ്ലൂക്കോസ് പൊടിയാണ് സംഭവമെങ്കിലും ഈ കുട്ടി വ്ലോഗറുടെ നാവിന് വഴങ്ങുന്നത് ‘ഗ്ലൂ ഗ്ലൂസ്’ എന്നാണ്. എന്നാൽ ആപാര ആത്മവിശ്വാസത്തോടെ ‘ഗ്ലൂ ഗ്ലൂസ്’ പൊടിയുെട വിശേഷങ്ങൾ പറയുകയാണ് കക്ഷി. ഈ കുരുന്നിന്റെ ചിരി വിഡിയോ നടൻ ജയസൂര്യയാണ് തന്റെ സമൂഹമാധ്യമ പേജീലൂടെ പങ്കുവച്ചിരിക്കുന്നത്. ‘ഗ്ലൂ ഗ്ലൂസ്’ പൊടിയെപ്പറ്റി ഘോരഘോരം പറഞ്ഞുകൊണ്ടിരിക്കുന്നതിനിടയിൽ അമ്മ എത്തിയതും ഈ കുറുമ്പന്റെ മുഖത്തുവിരിഞ്ഞ ആ ഭാവമാണ് ഈ വിഡിയോയുടെ ഹൈലൈറ്റ്. വിഡിയോ പങ്കുവച്ച് നിമിഷ നേരം കൊണ്ടാണ് ഈ കുട്ടി വ്ലോഗറുെട പ്രകടനം വൈറലായത്. നിരവധിപ്പേരാണ് ഈ ചിരി വിഡിയോയ്ക്ക് കമന്റുകളും ലൈക്കുകളുമായെത്തിയത്.

 

English Summary : Jayasurya share funny video of a lillte boy

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കു www.quickerala.com