‘ഇല്ല പോകണ്ട, ചേച്ചിയെ ഞാൻ വിടില്ല’: കല്യാണപ്പെണ്ണിനെ വിടാതെ കുഞ്ഞനുജൻ – കണ്ണ‌ു നിറയ്ക്കും വിഡിയോ

വിവാഹം കഴിഞ്ഞ് വധു വരന്റെ  വീട്ടിലേയ്ക്ക് പോകുമ്പോൾ പല വികാര നിർഭരമായ രംഗങ്ങളും ഉണ്ടാകുക പതിവാണ്. മാതാപിതാക്കളേയും സഹോദരങ്ങളെയും പിരിയുന്നതും പുതിയ സാഹചര്യങ്ങളിലേയ്ക്ക് പറിച്ചു നടുന്നതിലുള്ള സങ്കടവുമൊക്കെയായി കല്യാണപ്പെണ്ണ് പലപ്പോഴും കരച്ചിലായിരിക്കും. മാതാപിതാക്കളും സഹോദരങ്ങളുമൊക്കെ ഇതേ അവസ്ഥയിൽ തന്നെയായിരിക്കും. കല്യാണപ്പെണ്ണിനെ യാത്രയാക്കുമ്പോഴുള്ള ഇത്തരം വികാരഭരിതമായ പല രംഗങ്ങളും സമൂഹമാധ്യമങ്ങളിൽ വൈറലാകാറുണ്ട്.

അത്തരത്തിൽ ഒരും കല്യാണപ്പെണ്ണ് യാത്രയാകുമ്പോൾ കുഞ്ഞനുജന്റെ സങ്കടമാണ് ഈ വിഡിയോയിൽ. അരുൺ എയിം ഫോട്ടോഗ്രഫി എന്ന ഇൻസ്റ്റഗ്രാം പേജിലാണ് ഈ കണ്ണ‌ു നിറയ്ക്കും വിഡിയോ പങ്കുവച്ചിരിക്കുന്നത്. ‘ഇല്ല ചേച്ചി പോകണ്ട ചേച്ചിയെ ഞാൻ വിടില്ല’ എന്നു പറഞ്ഞു കരയുകയാണ് കുഞ്ഞനുജൻ. ചേച്ചിയെ വിടാതെ വട്ടം പിടിച്ചാണ് കരച്ചിൽ.

വധുവും ബന്ധുക്കളുമൊക്കെ ആ ബാലനെ ആശ്വസിപ്പിക്കാൻ ശ്രമിക്കുന്നുണ്ടെങ്കിലും അവന്‍ കരച്ചിലോട് കരച്ചില്‍ തന്നെയാണ്. വൈറലായ ഈ വിഡിയോയിലെ വധുവിനെ കുറിച്ചോ കുഞ്ഞനുജനെ കുറിച്ചോ കൂടുതൽ വിവരങ്ങൾ ലഭ്യമല്ല. നിരവധിപ്പേരാണ് ഈ കുഞ്ഞനുജന്റെ ചേച്ചിയോടുള്ള സ്നഹത്തിന് ഇഷ്ടമറിയിച്ച് എത്തുന്നത്. 

English summary : Viral video of a boy crying while sister leave after wedding