‘പ്രദർശന സ്കൂളുകളെ പ്രകമ്പനം കൊള്ളിക്കാൻ അവനെത്തി’; വിഡിയോ പങ്കുവച്ച് ‘ക്യാപ്ഷൻ രാജാവ്’

ആദ്യമായി സ്കൂളിലെത്തിയ ഇളയ മകന്റെ വിഡിയോ പങ്കിവച്ചിരിക്കുകയാണ് രമേഷ് പിഷാരടി. അമ്മയുടെ കൈപിടിച്ച് സ്കൂളിലേയ്ക്കു പോകുന്ന കുട്ടിയുടെ വിഡിയോയ്ക്ക് പതിവുപോലെ തകർപ്പന്‍ ക്യാപ്ഷനുമുണ്ട്. 

‘പ്രദർശന സ്കൂളുകളെ പ്രകമ്പനം കൊള്ളിക്കാൻ ഇന്ന് മുതൽ ദിവസേന 4 ക്ലാസുകൾ ബുക്ക്‌ ഉണ്ടായിരിക്കുന്നതാണ്’ എന്നാണ് പിഷാരടി നൽകിയ അടിക്കുറിപ്പ്. തകർപ്പന്‍ ക്യാപ്ഷൻ എഴുതാനുള്ള പ്രത്യേക കഴിവ് മൂലം ക്യാപ്ഷൻ സിംഹമെന്നും ക്യാപ്ഷൻ രാജാവെന്നുമൊക്കെ വിളിപ്പേരുകള്‍ ഉള്ളയാളാണ് രമേഷ് പിഷാരടി. പിഷാരടിയുടെ അടിക്കുറുപ്പിനെ അഭിനന്ദിച്ചും കുട്ടിയ്ക്ക് ആശംസയേകിയും നിരവധി കമന്റുകളാണ് വരുന്നത്.

English Summary : Ramesh Pisharody post first school day video of his son