‘യേ പക്കോഡ ഹേ’; മകനെ ഹിന്ദി പറയാൻ പഠിപ്പിച്ച് കൊറിയൻ അമ്മ –വൈറൽ വിഡിയോ

ഒരു കൊറിയൻ യുവതി മകനെ ഹിന്ദി പഠിപ്പിക്കുന്ന വിഡിയോ വൈറലാകുന്നു. കിം എന്ന യുവതിയാണ് തന്റെ മകനെ ഹിന്ദി പഠിപ്പിക്കുന്നത്. മുൻപ് ഇന്ത്യൻ വിഭവങ്ങളായ ആലുപക്കോഡയും റോട്ടിയുമൊക്കെയുണ്ടാക്കി സമൂഹമാധ്യമങ്ങളിൽ താരമായിരുന്നു കിം. ഇപ്പോഴിതാ ആലു പക്കോഡയെന്ന് മകനെ പറയാൻ പഠിപ്പിക്കുകയാണ്.

ഒരു പ്ലേറ്റിലെ പക്കോഡയിലേക്ക് ചൂണ്ടി, അതെന്താണെന്ന് കുഞ്ഞിനോട് ചോദിക്കുകയാണ് കിം. “യേ പക്കോഡ ഹേ (ഇതൊരു പക്കോഡയാണ്),” അവൾ കൊച്ചുകുട്ടിയെ പഠിപ്പിക്കുന്നത് കേൾക്കാം. “പക്കോഡ ബൊഹത് സ്വാദ് ഹേ (പക്കോഡ വളരെ രുചികരമാണ്),” കിം തന്റെ മകനെ പഠിപ്പിച്ചു. അമ്മയും മകനും ഒരേ സ്വരത്തിൽ ഒന്നുരണ്ടു തവണ ഇത് ആവർത്തിക്കുന്നതും കേൾക്കാം.

പ്രേം കിം ഫോറെവർ എന്ന തന്റെ ഇൻസ്റ്റാഗ്രാം പേജിൽ കിം പോസ്റ്റ് ചെയ്ത വിഡിയോ വൈറലായിരിക്കുകയാണ്. കിം തന്റെ മകനെ ഹിന്ദി പഠിപ്പിക്കുന്ന മനോഹരമായ ഈ വിഡിയോ ആരുടേയു ചുണ്ടിൽ പുഞ്ചിരി വിടർത്തും. ഈ വിഡിയോ മൂന്ന് ലക്ഷത്തിലധികം ആളുകളാണ് കണ്ടുകഴിഞ്ഞത്.

English Summary : Korean woman teaches her son Hindi - Viral video