ഏഴ് മിനിട്ട് തുടർച്ചയായി ബാറ്റ് ചെയ്ത് രണ്ട് വയസുകാരൻ ആദം: റെക്കോർഡ് നേട്ടം

ക്രിക്കറ്റ് പിച്ചിൽ ബാറ്റ് ചെയ്യുന്ന ഏറ്റവും പ്രായം കുറഞ്ഞയാളെന്ന റെക്കോർഡ്  നേട്ടത്തിന് ഉടമയായിരിക്കുകയാണ് ഒരു രണ്ട് വയസ്സുകാരൻ. ആദം സംഗീത് ജോസഫ്  എന്ന കൊച്ചുമിടുക്കനാണ് ഏഴ് മിനിറ്റ് ഒരു ക്രിക്കറ്റ് പിച്ചിൽ തുടർച്ചയായി ബാറ്റ് ചെയ്ത് ഈ അപൂർവനേട്ടം കൈവരിച്ചിരിക്കുന്നത്. 2 വർഷവും 6 മാസവും 2 ദിവസവും പ്രായമുള്ളപ്പോഴാണ് ആദം ഇന്ത്യാ ബുക്ക് ഓഫ് റെക്കോർഡ്സിന്റെ ഈ  നേട്ടം സ്വന്തമാക്കിയത്.

ക്രിക്കറ്റ് കളിക്കാരനായ അച്ഛൻ സംഗീത് ജോസഫിൽ നിന്നാണ് ആദത്തിന് ഈ താല്പര്യം ലഭിച്ചത്. ഒരു പ്രൊഫഷണൽ ക്രിക്കറ്ററാകുക എന്നതാണ് ഈ കുട്ടി താരത്തിന്റെ ആഗ്രഹം ക്രിക്കറ്റ് കൂടാതെ മറ്റ് ചില കഴിവുകളുമുണ്ട് ഈ മിടുക്കന്. പ്രശസ്ത വ്യക്തികൾ, മൃഗങ്ങൾ, പക്ഷികൾ, പഴങ്ങൾ, പച്ചക്കറികൾ, അക്ഷരമാല, അക്കങ്ങൾ, ശരീരഭാഗങ്ങൾ, സിനിമാ ഗാനങ്ങൾ, നഴ്സറി പാട്ടുകൾ, വീട്ടുപകരണങ്ങൾ, നിറങ്ങൾ തുടങ്ങിയവ എളുപ്പത്തിൽ തിരിച്ചറിയാൻ കഴിയും. അതിന് ആദത്തിന് ഇന്ത്യാ ബുക്ക് ഓഫ് റെക്കോർഡ്സിന്റെ അപ്രിസിയേഷൻ അവാർഡും ലഭിച്ചിട്ടുണ്ട്. 

തിരുവനന്തപുരം സ്വദേശികളായ സംഗീത് ജോസഫിന്റേയും ലക്ഷ്മി സംഗീതിന്റേയും മകനാണ് ആദം. ദുബായിൽ ഐടി ഉദ്യോഗസ്ഥരാണ് ഇരുവരും. സഹോദരി 5-ാം ക്ലാസ്സിൽ പഠിക്കുന്ന നതാനിയ സംഗീത് ജോസഫ്

English Summary : Adam youngest to bat on cricket pitch