കെട്ടിപ്പിടിച്ച് ഉമ്മ വച്ച് കുരുന്ന്, തിരിച്ചൊന്നും ചെയ്യാതെ ആസ്വദിച്ച് നായ; രസകരം ഈ ദൃശ്യം
Mail This Article
വളര്ത്തുമൃഗങ്ങളും കുഞ്ഞുങ്ങളും തമ്മിലുള്ള രസകരമായ മുഹൂര്ത്തങ്ങള് പലരും സമൂഹമാധ്യമങ്ങളില് പങ്കുവയ്ക്കാറുണ്ട്. അവയ്ക്കെല്ലാം വലിയ തോതിലുള്ള സ്വീകാര്യതയാണ് സോഷ്യല് മീഡിയയില് ലഭിക്കാറുള്ളതും. വളര്ത്തുനായകളും കുഞ്ഞുങ്ങളും തമ്മിലാണ് ഏറ്റവും അടുപ്പമുണ്ടാകാറുള്ളത്. കുഞ്ഞുങ്ങള് എത്ര ഉപദ്രവിച്ചാലും ക്ഷമയോടെ സഹിച്ച് അവര്ക്കൊപ്പം കളിക്കുന്ന നായകളുടെ വിഡിയോകള് സമൂഹമാധ്യമങ്ങളില് നിരന്തരം കാണാം.
അത്തരത്തിലൊരു വിഡിയോയിലൂടെ താരങ്ങളായിരിക്കുകയാണ് ഒരു ഗോള്ഡൻ റിട്രീവറും കുരുന്നും. നായയുടെ മുഖത്ത് ഉമ്മ വച്ചും കെട്ടിപ്പിടിച്ചും മുകളില് കയറിയിരുന്നും കിടന്നുമെല്ലാം കുഞ്ഞ് കളിക്കുകയാണ്. തന്നെ എന്തൊക്കെ ചെയ്തിട്ടും കുഞ്ഞിനെ തിരിച്ചൊന്നും ചെയ്യാതെ അതൊക്കെ ആസ്വദിച്ചിട്ടെന്നവണ്ണം കിടക്കുകയാണ് നായ ചെയ്യുന്നത്.
‘ചില സമയങ്ങളില് നമുക്ക് നല്ലയൊരു ആലിംഗനമാണ് വേണ്ടത്’ എന്ന അടിക്കുറിപ്പോടെയാണ് വിഡിയോ സമൂഹമാധ്യമങ്ങളിലൂടെ പ്രചരിക്കുന്നത്. നിരവധിപ്പേരാണ് ഈ വിഡിയോ ഷെയര് ചെയ്യുന്നത്.
Content Summary : Toddler plays with dog- Viral video