അഞ്ഞൂറോളം കുരുന്നുകളുടെ സ്നേഹം നിറച്ച 'കത്തോണം' ; മന്ത്രിമാരും ഏറ്റെടുത്തതോടെ വൈറൽ

HIGHLIGHTS
  • ഈ കുഞ്ഞുങ്ങൾ തീർത്ത കത്തുകൾ ഓണം മാഞ്ഞാലും മറയാതെ നിൽക്കുന്നവയാണ്.
  • കത്തുകളിലൂടെ ഇവർ കുറിച്ച സ്നേഹം തന്നെയാണ് ഓണത്തിന്റെ സന്ദേശം
students-onam-message-to-ministers-and-its-replay
മന്ത്രിമാരായ വി. ശിവൻ കുട്ടിയും പി. പ്രസാദും ആന്റണി രാജുവും കുട്ടികൾക്ക് അയച്ച ഓണാശംസകൾ
SHARE

എല്ലാ വർഷത്തെയും പോലെ കടന്നുപോയ ഒരു ഓണമായിരുന്നില്ല മലയാളിക്കിത്. പ്രളയവും കോവിഡും ഏല്പിച്ച, നാലുവർഷത്തോളം നീണ്ട ഓണമില്ലായ്മയ്ക്ക് പൂക്കളും സദ്യയും ആഘോഷവും കൊണ്ട് മാത്രമല്ല നമ്മൾ മറുപടികൊടുത്തത്. കളങ്കമില്ലാത്ത സ്നേഹം കൊണ്ടുകൂടിയാണ്. അതിന് ഏറ്റവും വലിയ ഉദാഹരണമാണ് പത്തനംതിട്ട ജില്ലയിലെ പ്രമാടം നേതാജി സ്കൂളിലെ അഞ്ഞൂറോളം കുട്ടികൾ. നിഷ്കളങ്കതയുടെ കയ്യക്ഷരം കൊണ്ട് ഈ കുഞ്ഞുങ്ങൾ തീർത്ത കത്തുകൾ ഓണം മാഞ്ഞാലും മറയാതെ നിൽക്കുന്നവയാണ്.

അങ്ങോട്ടുമിങ്ങോട്ടും ഓണക്കത്തുകൾ

പ്രമാടം നേതാജി സ്കൂളിലെ അഞ്ഞൂറോളം കുട്ടികളാണ് പരീക്ഷാതിരക്കുകൾക്കിടയിലും വേറിട്ട രീതിയിൽ ഓണമാഘോഷിച്ചത്. സ്കൂളിലെ അധ്യാപകരായ കെ. ബി. ലാൽ, അജി ഡാനിയൽ എന്നിവരാണ് ഹൃദ്യമായ ഈ എഴുത്തുസ്നേഹത്തിനു ചുക്കാൻ പിടിച്ചത്. ചിത്രങ്ങളും ആശംസാ വാചകങ്ങളുമടങ്ങിയ ഓണക്കാർഡുകൾ തയാറാക്കി മന്ത്രിമാർക്കും പഞ്ചായത്ത്‌ പ്രസിഡന്റിനും മറ്റു ജനപ്രതിനിധികൾക്കുമെല്ലാം അയച്ചു. തിരികെ കിട്ടാൻ അവർ പ്രതീക്ഷിച്ചത് മറ്റൊന്നുമല്ല : അവരയച്ച കത്തുകൾക്കുള്ള മറുപടി മാത്രം.  പ്രതീക്ഷ തെറ്റാതെ, വൈകിയാണെങ്കിലും ഓണാസമ്മാനം അവരെ തേടിയെത്തി.

students-onam-message-to-ministers-and-its-replay1
ഫോട്ടോ ക്യാപ്ഷൻ: ഓണാഘോഷത്തോടനുബന്ധിച്ച് തയ്യാറാക്കിയ ആശംസാ കാർഡുകൾ ജനപ്രതിനിധികൾ, ഗുരുനാഥന്മാർ, മറ്റു പൗര പ്രമുഖർ എന്നിവർക്ക് തപാൽ മാർഗം അയച്ചു കൊടുക്കുന്നതിനായി സ്കൂളിൽ ഒത്തുചേർന്ന കുട്ടികൾ .

മന്ത്രി പി. പ്രസാദും ആന്റണി രാജുവും തിരികെ ആശംസകൾ നേർന്നു കത്തയച്ചു. തനിക്കു കിട്ടിയ കത്തു വായിച്ച് അതിന്റെ ഉള്ളടക്കത്തെ ഹൃദ്യമായി മനസിലാക്കിയാണ് ഇരുവരും മറുപടി കത്ത് തയാറാക്കിയിരിക്കുന്നത്. മന്ത്രി പി. പ്രസാദ് സ്വന്തം കൈപടയിൽ തന്നെ മറുപടിക്കത്തയച്ചതും ഹൃദ്യമായി. മന്ത്രി വി. ശിവൻ കുട്ടിയാവട്ടെ, തനിക്കു കിട്ടിയ കത്തുകൾ തന്റെ ഫെയ്സ്ബുക്ക് പേജിലൂടെ ലോകത്തെ കാണിച്ചു. അവർക്ക് ഫെയ്സ്ബുക്കിലൂടെ ഓണാശംസകളും നേരാനും മറന്നില്ല. 

ഇത്തവണ ഓണത്തിനു കത്തുകളിലൂടെ ഇവർ കുറിച്ച സ്നേഹം തന്നെയാണ് ഓണത്തിന്റെ സന്ദേശം. ഓണം കഴിഞ്ഞാലും മായാത്ത സ്നേഹത്തിന്റെയും ഹൃദ്യതതയുടെയും ഉദാഹരണങ്ങളാണ് ഇത്തരം സംഭവങ്ങൾ. 

Content Summary : Students Onam message to ministers and it's replays

Disclaimer

നിങ്ങളുടെ കുട്ടിക്ക് എന്തിലെങ്കിലും പ്രത്യേക കഴിവുണ്ടോ? അധികമാരും കൈവയ്ക്കാത്ത ഏതെങ്കിലും മേഖലയിൽ മിടുക്കു കാട്ടുന്നുണ്ടോ? എങ്കിൽ മനോരമ ഓൺലൈനിലൂടെ അവരെ ലോകം അറിയട്ടെ. കുട്ടിയെപ്പറ്റിയുള്ള വിവരണം ഞങ്ങൾക്ക് അയച്ചു തരിക. കുട്ടിയുടെ പേര്, മാതാപിതാക്കളുടെ വിലാസം, ബന്ധപ്പെടാനുള്ള ഫോൺ നമ്പർ, കുട്ടിയുടെ ഫോട്ടോ എന്നിവ children@mm.co.in എന്ന മെയിൽ ഐഡിയിലേക്ക് അയയ്ക്കാം.  

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Video

നാല് നായകന്മാരും ഒരു സാനിയയും | Nivin Pauly | Aju Varghese | Saiju Kurup | Siju Wilson | Saniya

MORE VIDEOS
{{$ctrl.title}}
{{$ctrl.title}}

{{$ctrl.currentDate}}

  • {{item.description}}