നടന്ന് ക്ഷീണിച്ച കോഴിക്ക് ലിഫ്റ്റ് കൊടുത്ത് ബാലൻ- ചിരി വിഡിയോ

തന്റെ കുഞ്ഞു കളി വണ്ടിയിൽ ലിഫ്റ്റ് നൽകിയ ഒരു ബാലന്റെ വിഡിയോ ആണ് ഇപ്പോൾ സമൂഹമാധ്യമങ്ങളിൽ വൈറലായിരിക്കുന്നത്. ആർക്കാണ് ഈ കൊച്ചു മിടുക്കൻ ലിഫ്റ്റ് കൊടുത്തതെന്നല്ലേ.. വീട്ടിൽ വളർത്തുന്ന കോഴിക്ക്. തന്റെ കുഞ്ഞു സൈക്കിളിനു പുറകിൽ കെട്ടിയ കളിപ്പാട്ട ട്രക്കിനു പുറകിൽ കോഴിയെ തൂക്കിയെടുത്തു കൊണ്ടിരുത്തി, പിന്നെ സ്റ്റൈലിൽ സൈക്കിൾ തള്ളി വീട്ടിലേക്കു പോകുകയാണ് ഈ ബാലൻ. 

ഇന്‍സ്റ്റഗ്രാമിൽ 13 മില്യൺ ആളുകളാണ് ഇതിനോടകം വിഡിയോ കണ്ടത്. കോഴിയെ പിന്നിലിരുത്തി സൈക്കിളിൽ പോകുന്ന ബാലനെ ഒരു താറാവും അനുഗമിക്കുന്നുണ്ട്. കോഴി സൈക്കിളിനു പുറകിൽ നിന്നും താഴേയ്ക്കിറങ്ങാതെ സൈക്കിൾ സവാരി ആസ്വദിക്കുന്നതും വിഡിയോയിലുണ്ട്.

Content Summary : Kid giving lift to a rooster