മുൻ ഇന്ത്യൻ ക്രിക്കറ്റ് താരം യുവരാജ് സിങ്ങിന് പെൺകുഞ്ഞ് ജനിച്ചു. താരം തന്നെയാണ് സന്തോഷകരമായ  വാർത്ത സമൂഹ മാധ്യമങ്ങളിലൂടെ പങ്കുവെച്ചത്. യുവരാജിന്റെയും ഭാര്യ ഹേസൽ കീച്ചിന്റെയും രണ്ടാമത്തെ കുഞ്ഞാണിത്. ഓഗസ്റ്റ് 25 നാണ് യുവി തങ്ങൾക്കു ഒരു കുഞ്ഞുകൂടി ജനിച്ചത് ചിത്രങ്ങൾ സഹിതം പുറത്തുവിട്ടത്. ചിത്രത്തിന് താഴെ ആരാധകരും സുഹൃത്തുക്കളുമടക്കം ധാരാളം പേരാണ് താരത്തിനും ഭാര്യയ്ക്കും ആശംസകൾ അറിയിച്ചിരിക്കുന്നത്. 

യുവരാജിനും ഭാര്യ ഹേസൽ കീച്ചിനും ഒരു പുത്രൻ കൂടിയുണ്ട്. ഓറിയോൺ കീച്ച് സിങ് എന്നാണ് മൂത്തപുത്രന്റെ പേര്. ഓറ എന്നാണ് പെൺകുഞ്ഞിന് പേര് നല്കിയിരിക്കുന്നതെന്നു പുറത്തുവിട്ട ചിത്രത്തിനൊപ്പം പങ്കുവെച്ച കുറിപ്പിൽ വ്യക്തമാക്കിയിട്ടുണ്ട്. ഉറക്കമില്ലാത്ത രാത്രികൾ കൂടുതൽ സന്തോഷം നൽകുന്നു, ഞങ്ങളുടെ കുടുംബം പൂർണമാക്കാനെത്തിയ കൊച്ചു രാജകുമാരി ഓറയെ സ്വാഗതം ചെയ്യുന്നു. എന്നെഴുതിയതിനു താഴെ ചുവന്ന നിറത്തിലുള്ള ഹൃദയത്തിന്റെ ഇമോജിയുമുണ്ടായിരുന്നു.  ചിത്രത്തിൽ മകളെ കയ്യിലെടുത്തിരിക്കുന്ന യുവരാജിനെ കാണാവുന്നതാണ്. ഹേസലിന്റെ കൈകളിൽ മകൻ ഓറിയോണുമുണ്ട്.

താരം പങ്കുവെച്ച ചിത്രത്തിനു വൻസ്വീകാര്യതയാണ് ആരാധകരുടെയും സുഹൃത്തുക്കളുടെയും ഭാഗത്തു നിന്നും ലഭിച്ചത്. സുരേഷ് റെയ്ന, മുനാഫ് പട്ടേൽ, ഹർഭജൻ സിങ്, നമൻ ഓജ തുടങ്ങിയ സുഹൃത്തുക്കൾ ഹൃദയത്തിന്റെ ഇമോജികൾ കുറിച്ചപ്പോൾ അഭിനന്ദങ്ങൾ ഡാഡി & മമ്മി എന്നാണ് പ്രിറ്റി സിന്റയുടെ കമെന്റ്. ഐ പി എൽ ടീമായ മുംബൈ ഇന്ത്യൻസും തങ്ങളുടെ മുൻതാരത്തിനും ഭാര്യയ്ക്കും അഭിനന്ദനങ്ങൾ അറിയിച്ചിട്ടുണ്ട്.

Content Highlight -Yuvraj Singh baby girl |Yuvraj Singh second child | Hazel Keech and Yuvraj Singh's family | Yuvraj Singh daughter Aura | Congratulatory messages for Yuvraj Singh's baby girl