മാറ്റത്തിനു പ്രചോദനമേകാൻ ഒപ്പമുണ്ടാകട്ടെ ഈ ഏഴ് കൂട്ടുകാർ
Mail This Article
അമേരിക്കൻ ഗായികയായ ടെയ്ലർ സ്വിഫ്റ്റിന്റെ വരികളാണ് ‘‘This is a new year. A new beginning. And things will change’’ എന്നുള്ളത്. ഇന്നു സ്കൂൾ വിദ്യാർഥികളെ സംബന്ധിച്ച് ‘പുതുവർഷം’ തന്നെ. മുൻപത്തെക്കാൾ മികച്ചതായി എല്ലാം മാറുമെന്ന് ആശംസിക്കട്ടെ. ആ മാറ്റത്തിനു പ്രചോദനമേകാനുള്ള 7 മഹദ്വചനങ്ങൾ ഇതാ. ഓരോന്നും ജീവിതത്തിൽ നമുക്കു വേണ്ട ഓരോ ഗുണത്തെ സൂചിപ്പിക്കുന്നു.
സ്ഥിരോത്സാഹം- Perseverance
‘നിങ്ങൾക്ക് പറക്കാൻ കഴിയുന്നില്ലെങ്കിൽ ഓടുക. അതിനും കഴിയുന്നില്ലെങ്കിൽ നടക്കുക. അതിനുമാകുന്നില്ലെങ്കിൽ ഇഴയുക. എന്തു തന്നെയായാലും സ്ഥിരോത്സാഹത്തോടെ മുന്നോട്ടു തന്നെ പോവുക..’
മാർട്ടിൻ ലൂതർ കിങ് ജൂനിയർ (അമേരിക്കൻ മനുഷ്യാവകാശ
പ്രവർത്തകൻ)
തിരിച്ചുവരവ്- Resilience
‘എന്റെ വിജയങ്ങൾ കൊണ്ട് എന്നെ വിലയിരുത്താതിരിക്കുക. എത്ര തവണ വീണു പോയിടത്തു നിന്ന് ഞാൻ എഴുന്നേറ്റു എന്നതാവട്ടെ അതിനുള്ള മാനദണ്ഡം.’
- നെൽസൺ മണ്ടേല (മുൻ ദക്ഷിണാഫ്രിക്കൻ പ്രസിഡന്റ്)
കഠിനാധ്വാനം- Hard work
‘രോഗം കൊണ്ടും വിഷാദം കൊണ്ടും മനുഷ്യർ മരിച്ചേക്കാം. പക്ഷേ ഇഷ്ടപ്പെട്ട ഒന്നിനു വേണ്ടിയുള്ള കഠിനാധ്വാനം കാരണം ആരും മരിച്ചു പോകുന്നില്ല.’
- ഡേവിഡ് ഒഗിൽവി , (ബ്രിട്ടിഷ് പരസ്യനിർമാതാവ്)
വായന- Reading
‘എല്ലാ ദിവസവും ഇത്ര പേജുകൾ വായിക്കുമെന്നു തീരുമാനിക്കുക. അതു വിടാതെ പിന്തുടരുക. അങ്ങനെയെങ്കിൽ നിങ്ങൾ അളവില്ലാത്ത വിധം സമ്പന്നനാകും. കാരണം വായന കൂട്ടുപലിശ പോലെയാണ്. - വാറൻ ബഫറ്റ് (ലോകത്തിലെ ഏറ്റവും സമ്പന്നരിൽ ഒരുവൻ)’
സത്യസന്ധത- Honesty
‘അറിവിന്റെ പുസ്തകത്തിലെ ആദ്യ അധ്യായമാണ് സത്യസന്ധത.’
- തോമസ് ജെഫേഴ്സൺ (മുൻ അമേരിക്കൻ പ്രസിഡന്റ്)
സംതൃപ്തി- Contentment
‘നിങ്ങൾക്കുള്ള അനുഗ്രഹങ്ങൾ നന്ദിയോടെ സ്മരിക്കുക. അപ്പോൾ കൂടുതൽ കാര്യങ്ങൾ വന്നുചേരും. നിങ്ങൾക്കില്ലാത്തതിനെക്കുറിച്ച് ആലോചിച്ചിരുന്നാൽ ഒരിക്കലും നിങ്ങൾക്കു തൃപ്തി വരില്ല. - ഓപ്ര വിൻഫ്രി (അമേരിക്കൻ ടെലിവിഷൻ അവതാരക)’
ക്ഷമ- patience
ഒരു തുള്ളി ക്ഷമ ഒരു ടൺ പ്രഭാഷണത്തെക്കാളും ശക്തിയുള്ളതാണ്. - മഹാത്മാഗാന്ധി
English Summary : Inspirational quotes for students