ജംഗിൾ ജിമ്മിൽ പോയിട്ടുണ്ടോ..?
Mail This Article
ഇവിടെ കുട്ടി പോകുന്നത് കാട്ടിലുള്ള ജിംനേഷ്യത്തിലേക്കല്ല കേട്ടോ. പിന്നെ എങ്ങോട്ടാ ? ലോഹ പൈപ്പുകൾ അല്ലെങ്കിൽ കയർ പോലുള്ള വസ്തുക്കൾ കൊണ്ട് നിർമിച്ച, കുട്ടികൾക്കുള്ള കളി ഉപകരണമാണ് jungle gym. ഇത് children’s parkകളിലൊക്കെ കാണാൻ കഴിയും. അതിൽ കയറാനും തൂങ്ങിക്കിടക്കാനും ഇരിക്കാനുമൊക്കെ കഴിയും. ഇതിനു climbing frame എന്നും പേരുണ്ട്.
∙നമ്മൾ പാർക്കിലും ഗാർഡനിലും ഒക്കെ പോകുമ്പോൾ അവിടെ ബോർഡ് എഴുതിവച്ചിട്ടുണ്ടാകും. Do not litter. എന്താണ് ഇത്?
നമ്മുടെ കയ്യിലുള്ള ഡിസ്പോസബിൾ ബോട്ടിൽ, പ്ലാസ്റ്റിക്, കടലാസ് തുടങ്ങിയ സാധനങ്ങളൊന്നും അവിടെ വലിച്ചുവാരി ഇടരുത് എന്നാണുദ്ദേശിക്കുന്നത് .
∙ മൃഗങ്ങളുടെ (ഒറ്റപ്രസവത്തിലെ) കുഞ്ഞുങ്ങൾക്കും litter എന്ന് പറയും. ‘a litter of five kittens’
∙ ഇനി മറ്റൊരു board കാണാം - Keep off the grass - പുൽത്തകിടിയിൽ ചവിട്ടിനടക്കരുത്. Lawn Mower എന്നാൽ പുൽത്തകിടി വൃത്തിയായി വെട്ടാനുള്ള യന്ത്രം എന്നും ആ പ്രവൃത്തി ചെയ്യുന്ന ആൾ എന്നും അർഥമുണ്ട്. Knoll എന്നാൽ ക്രീഡാപർവതം അഥവാ പുൽ മൂടിയ ചെറിയ കുന്ന്. Rockery എന്നാൽ പാറകൾകൊണ്ടുണ്ടാക്കിയ ഉദ്യാനഭാഗം. Rock garden എന്നും പറയും.
∙ Sandbox എന്നാൽ മണൽ നിറച്ച പെട്ടിയല്ല. കുട്ടികൾക്ക് മണലിൽ കളിക്കാനായി പാർക്കിലും ബീച്ചിലുമൊക്കെ തയാറാക്കിയ ഇടമാണ്.
∙ പാർക്കിലും ഉദ്യാനത്തിലുമൊക്കെ ചെടികളും വേലികളും ഭംഗിയായി വെട്ടിയൊതുക്കി നിർത്തുന്നത് കണ്ടിട്ടില്ലേ? ആ കലയ്ക്കാണു Topiary എന്ന് പറയുന്നത്- സസ്യശിൽപകല.
Content Summary : Easy English learning tips