മാതാപിതാക്കളെ മുൾമുനയിൽ നിർത്തുന്ന അഞ്ചാം വയസ്!

മാജിക് ഇയേഴ്സിലേക്കുള്ള കുട്ടിയുടെ ചുവടുമാറ്റം നിങ്ങൾക്ക് അത്ഭുതമായിരിക്കും സമ്മാനിക്കുക. ഈ പ്രായക്കാർ പൊതുവെ ഊർജസ്വലരും രസികരും സർവോപരി  മാതാപിതാക്കളേയും മറ്റും മുൾമുനയിൽ നിർത്തുന്നവരുമായിരിക്കും.  പഠനം സീരിയസായി തുടങ്ങുന്ന പ്രായം കൂടെയാണല്ലോ ഇത്. സ്കൂൾ കുട്ടിയുടെ സ്വഭാവത്തിലും ജീവിതത്തിലും പുതിയ മാറ്റങ്ങൾ വരുത്തുന്നു. അഞ്ചാം വയസുകാരുടെ പ്രത്യേകതൾ എന്തൊക്കെയാണെന്ന് നോക്കാം. 

∙ സ്കൂൾ ഒരുപാട് മാറ്റങ്ങൾ വരുത്തും – മനോഹരമായ ആ നാലാം വയസ് കഴിഞ്ഞ് സ്കൂളെന്ന പുത്തൽ വീട്ടിലേയ്ക്ക് പൂർണമായെത്തുന്ന അഞ്ചാം വയസ്. ഇത്രയും നാൾ കണ്ട കുഞ്ഞുകുട്ടിയേയല്ല ഞങ്ങളിപ്പോൾ.  ചിലപ്പോൾ ഞങ്ങൾ ചെറിയ വായിൽ വലിയ വർത്താമാനമൊക്കെ പറഞ്ഞുവെന്നിരിക്കും കേട്ടോ. നിർദോഷകരമായ കളിയാക്കൽ കമൻറുകളൊക്കെ പറഞ്ഞു തുടങ്ങും ഈ പ്രായത്തില്‍.

∙ ബെർത്ത് ഡേ ഒക്കെ ആഘോഷിക്കാനുള്ളതാ –  ചെറിയ ആഘോഷങ്ങളൊക്കെ ഞങ്ങൾക്ക് മസ്റ്റാ..

∙ വരയ്ക്കുന്നതെല്ലാം നല്ലതാണോ?– ഇത്രയും നാൾ അവരെന്ത് വരച്ചാലും സൂപ്പാറാ എന്നല്ലേ പറഞ്ഞിരുന്നത്, എന്നാൽ ഇനിമുതൽ അതിലെ തെറ്റുകൾ തിരുത്തിക്കൊടുക്കാനുള്ള പ്രായം അതിക്രമിച്ചിരിക്കുന്നു. 

∙ കാണുന്നതെല്ലാം വേണം– ടിവിയിെല കാർട്ടൂൺ കഥാപാത്രങ്ങവുടെ ബിഗ് ഫാനാ ഞങ്ങൾ. അതുപോലെ പരസ്യങ്ങൾക്ക്  ഞങ്ങളെ പെട്ടെന്ന് വശത്താക്കാനാകും. അതൊക്കെ വേണമെന്ന് ചിലപ്പോൾ ഞങ്ങൾ വാശിപിടിക്കുകയും ചെയ്യും.

∙ കൂട്ടാനും കുറയ്ക്കാനും പാടുപെടും –അതേ ഞങ്ങളെ എണ്ണൽ പഠിപ്പിക്കുമ്പോൾ നിങ്ങൾ ശരിക്കും വലയും, അതൊക്കെ ആദ്യം വല്യ കൺഫ്യൂഷനാണെന്നേ...

∙ സംശയങ്ങൾക്ക് കറക്ട് ഉത്തരം വേണം– ഇത്രയും നാൾ ഞങ്ങളുടെ പല ചോദ്യങ്ങൾക്കും ശരിയായ ഉത്തരമാണോ തന്നിരുന്നത്, ഇനി അത് പറ്റില്ലാ കേട്ടോ, ശരിയായ ഉത്തരം കിട്ടുന്നത് വരെ ഞങ്ങൾ ചോദിച്ചുകൊണ്ടേയിരിക്കും.

∙കൂട്ടുകാരെ തെരഞ്ഞെടുക്കാനൊക്കെ ഞങ്ങൾക്കും അറിയാം– ഇത്രയും നാൾ ഞങ്ങൾക്കുള്ള കൂട്ടുകാരെ കണ്ടുപിടിച്ചു തന്നത് നിങ്ങളല്ലേ, ഇനി അവരെ തെരഞ്ഞെടുക്കാനൊക്കെ ഞങ്ങള്‍ പഠിച്ചു.

 English Summary : Development milestones of five year old childdevelopment-milestones-of-five-year-old-child