കുട്ടികളെയോർത്ത് പിരിമുറുക്കമുള്ള അച്ഛനാണോ? ഈ ടെൻഷൻ അപകടം

HIGHLIGHTS
  • അച്ഛൻമാർ അമ്മമാരേക്കാൾ കുട്ടികളെ സ്വാധീനിക്കുന്നു
stressed-father-may-affect-kid-s-development
Representative image. Photo Credits; fizkes/ Shutterstock.com
SHARE

കുട്ടികളെയോർത്ത് പിരിമുറുക്കമുള്ള അച്ഛനോ  നിങ്ങൾ? സൂക്ഷിക്കുക അത് നിങ്ങളുടെ കുട്ടികളുടെ വളർച്ചയെ പ്രതികൂലമായി ബാധിക്കുമെന്ന് മിഷിഗൺ സ്റ്റേറ്റ് സർവകലാശാലയിൽ നടത്തിയ പഠനങ്ങൾ പറയുന്നു. പേരന്റിംങ് സ്ട്രസ് ഉള്ള അച്ഛന്മാരുടെ കുട്ടികൾ ഭാഷാ വൈദഗ്ധ്യത്തിൽ പിറകിലാകാൻ സാധ്യതയുണ്ടത്രേ. കൂടാതെ ശ്രദ്ധക്കുറവ്, പഠനത്തിലും റീസണിങ്ങിലും താൽപര്യക്കുറവ് തുടങ്ങിയവയും ഇത്തരം കുട്ടികൾക്ക് ഉണ്ടാകാം.

പേരന്റിങ്ങിൽ അച്ഛന്മാരുടെ പങ്കിനെക്കുറിച്ച് മിഷിഗൺ യൂണിവേഴ്സിറ്റിയിൽ നടത്തിയ പഠനത്തിലാണ് ശ്രദ്ധേയമായ ഈ വെളിപ്പെടുത്തലുകൾ ഉള്ളത്. പ്രീ സ്കൂൾ കുട്ടികളുടെ ഭാഷയേയും വികാര വിചാരങ്ങളേയും നിർണയിക്കുന്നതിൽ പിതാവിന്റെ റോൾ വളരെ വലുതാണ്. വലിയ കുട്ടികളിലെ സ്വഭാവവൈകല്യങ്ങളും ഡിപ്രഷനുമൊക്കെ ഒരു പരിധിവരെ നിർണയിക്കുന്നത് അച്ഛനാണെന്നും ഇവർ പറയുന്നു. 

അച്ഛൻമാർ അമ്മമാരേക്കാൾ കുട്ടികളെ സ്വാധീനിക്കുന്നു, അതായത് കുട്ടികളുടെ പ്രശ്നങ്ങൾ വേഗം പരിഹരിക്കാനും അവരെ പ്രോത്സാഹിപ്പിക്കാനുമൊക്കെ അച്ഛൻമാരാണ് മുന്നിൽ. മാത്രമല്ല അവരുടെ സ്വഭാവരൂപീകരണത്തിലും പിതാവിനാണ് മാതാവിനേക്കാൽ മുന്‍തൂക്കമുള്ളതത്രേ. കുട്ടികളുടെ ഭാഷാപരമായ വികാസങ്ങളും പിതാവിൽ നിന്നാണത്രേ കൂടുതലായും ഉണ്ടാകുന്നത്. കുട്ടികളുടെ പ്രശ്നങ്ങൾ കൃത്യമായി മനസിലാക്കാനും അത് പരിഹരിക്കാനും അച്ഛൻമാർ കേമൻമാരാണ്, അതുപോലെ കളികളിൽ സുരക്ഷിതമായ റിസ്ക്കുകൾ ഏറ്റെടുക്കാൻ അവർ മക്കളെ അനുവദിക്കും. 

സ്ട്രസ് പരമാവധി കുറയ്ക്കാൻ പിതാക്കൻമാർ ശ്രദ്ധിക്കുക. കുട്ടികളുമായി കളികളിലേർപ്പെടാം. അവർക്കൊപ്പം പുസ്തകങ്ങൾ വായിക്കാം, അതൊക്കെ കുട്ടികൾക്കും നിങ്ങൾക്കും ഒരുപോലെ പ്രയോജനകരമാണ്. അതുകൊണ്ടുതന്നെ അച്ഛൻമാരേ നിങ്ങളുടെ മാനസികവും ശാരീരികവുമായ ആരോഗ്യം കുട്ടികളുടെ വളർച്ചയ്ക്ക് വളരെ അത്യാവശ്യമായ ഒന്നാണ്. 

English Summary :Stressed father may affect Kids' Development

Disclaimer

നിങ്ങളുടെ കുട്ടിക്ക് എന്തിലെങ്കിലും പ്രത്യേക കഴിവുണ്ടോ? അധികമാരും കൈവയ്ക്കാത്ത ഏതെങ്കിലും മേഖലയിൽ മിടുക്കു കാട്ടുന്നുണ്ടോ? എങ്കിൽ മനോരമ ഓൺലൈനിലൂടെ അവരെ ലോകം അറിയട്ടെ. കുട്ടിയെപ്പറ്റിയുള്ള വിവരണം ഞങ്ങൾക്ക് അയച്ചു തരിക. കുട്ടിയുടെ പേര്, മാതാപിതാക്കളുടെ വിലാസം, ബന്ധപ്പെടാനുള്ള ഫോൺ നമ്പർ, കുട്ടിയുടെ ഫോട്ടോ എന്നിവchildren@mm.co.in എന്ന മെയിൽ ഐഡിയിലേക്ക് അയയ്ക്കാം.  

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN PARENTING
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Video

എടേലേ ബീഫും ഉപ്പുമാവും കഴിച്ചാ ന്റെ സാറേ.. ചുറ്റുള്ളതൊന്നും കാണാൻ കയ്യൂല്ലാ! | Food Vlog

MORE VIDEOS
FROM ONMANORAMA