പ്രമേഹമുള്ളവർക്ക് ചപ്പാത്തി ഇങ്ങനെ കഴിക്കാം; ഈ വിദ്യകള്‍ പരീക്ഷിക്കൂ

രാവിലെയാകട്ടെ, ഉച്ചയ്ക്കാകട്ടെ, വൈകുന്നേരമാകട്ടെ... ഏതു സമയത്തായാലും കഴിക്കാന്‍ പറ്റുന്ന ഭക്ഷണമാണ് ചപ്പാത്തി. എല്ലാ കറികള്‍ക്കുമൊപ്പവും ചേര്‍ന്നു പോകും എന്നത് മാത്രമല്ല, ചോറ് പോലെ അമിതമായി കഴിച്ചു പോകില്ല ചപ്പാത്തിയാണെങ്കില്‍. 

രക്തത്തിലെ പഞ്ചസാരയുടെ അളവ് നിയന്ത്രിക്കാന്‍ പാടുപെടുന്നവരോട്, ചോറ് പോലെതന്നെ ആരോഗ്യ വിദഗ്ധർ ഭക്ഷണത്തിൽ നിന്ന് ഒഴിവാക്കാൻ നിർദ്ദേശിക്കുന്ന ഏറ്റവും സാധാരണമായ ഭക്ഷണങ്ങളിലൊന്നാണ് ചപ്പാത്തി. അരിയില്‍ ഉള്ളത് പോലെതന്നെ കാർബോഹൈഡ്രേറ്റും കാലറിയും ഉള്ളതിനാല്‍, പ്രമേഹരോഗികള്‍ക്ക് ഇതത്ര നല്ലതല്ല. എന്നാല്‍ ചപ്പാത്തിയും പ്രമേഹസൗഹൃദമാക്കാം.

മുഴുവൻ ഗോതമ്പ് മാവ് ഉപയോഗിക്കുക

ശുദ്ധീകരിച്ച മാവ് (മൈദ) മാറ്റി മുഴുവൻ ഗോതമ്പ് മാവ് (ആട്ട) ഉപയോഗിക്കുക എന്നതാണ് ആദ്യം ചെയ്യേണ്ടത്. തവിട് ഉള്ളതിനാല്‍ ഇത് ഒരു  സങ്കീർണ കാർബോഹൈഡ്രേറ്റാണ്. ഇത് രക്തത്തിലേക്ക് പഞ്ചസാര ആഗിരണം ചെയ്യുന്നത് മന്ദഗതിയിലാക്കാൻ സഹായിക്കുന്നു, രക്തത്തിലെ ഗ്ലൂക്കോസിന്റെ അളവിൽ പെട്ടെന്നുണ്ടാകുന്ന കുതിച്ചുചാട്ടം തടയുന്നു. മുഴുവൻ ഗോതമ്പിൽ അധിക നാരുകളും അടങ്ങിയിരിക്കുന്നു, ഇത് ദഹനത്തിനും മൊത്തത്തിലുള്ള രക്തത്തിലെ പഞ്ചസാര നിയന്ത്രണത്തിനും ഗുണം ചെയ്യും.

കുറഞ്ഞ കാർബോഹൈഡ്രേറ്റ് ഉള്ള മറ്റു മാവുകള്‍ ചേര്‍ക്കുക

റൊട്ടിയുടെ ഗ്ലൈസെമിക് സൂചിക (ജിഐ) കൂടുതൽ കുറയ്ക്കുന്നതിന്, ബദാം മാവ്, കടല മാവ് പോലെ കാർബോഹൈഡ്രേറ്റ് കുറഞ്ഞ അളവിലുള്ള മാവുകള്‍ ഗോതമ്പിനൊപ്പം മിക്സ് ചെയ്യാം. ഇവയില്‍ കാർബോഹൈഡ്രേറ്റ് കുറവാണ് എന്ന് മാത്രമല്ല, നാരുകളും പ്രോട്ടീനും കൂടുതലാണ്.  ഇവയെല്ലാം രക്തത്തിലെ പഞ്ചസാര നിയന്ത്രിക്കാൻ സഹായിക്കുന്നു. 

ഫ്ളാക്സ് സീഡുകളോ ചിയവിത്തുകളോ ചേർക്കുക

ചപ്പാത്തി മാവില്‍ ഫ്ളാക്സ് സീഡുകളോ ചിയവിത്തുകളോ ചേര്‍ക്കുന്നത് പോഷകഗുണം മെച്ചപ്പെടുത്തുന്നതിനുള്ള മറ്റൊരു മികച്ച മാർഗമാണ്. ഈ വിത്തുകളില്‍ ഒമേഗ-3 ഫാറ്റി ആസിഡുകൾ, നാരുകൾ, പ്രോട്ടീൻ എന്നിവ ധാരാളം അടങ്ങിയിട്ടുണ്ട്, ഇത് രക്തത്തിലെ പഞ്ചസാരയുടെ അളവ് നിയന്ത്രിക്കാൻ സഹായിക്കും. ഒന്നുകില്‍ വിത്തുകൾ പൊടിച്ച്  ഗോതമ്പുപൊടിയില്‍ കലർത്താം അല്ലെങ്കിൽ പരത്തുമ്പോള്‍ ചപ്പാത്തിയുടെ മുകളിൽ വിതറാം. പ്രമേഹം നിയന്ത്രിക്കുന്നതിന് അത്യാവശ്യമായ ഹൃദയാരോഗ്യകരമായ കൊഴുപ്പുകളും ഈ വിത്തുകൾ നൽകുന്നു .

പ്രമേഹരോഗികൾക്ക് അനുയോജ്യമായ രീതിയില്‍ ഉണ്ടാക്കാം. വലിയ ചപ്പാത്തിക്ക് പകരം, ചെറിയ ചപ്പാത്തികള്‍ ഉണ്ടാക്കുക. ആരോഗ്യകരമായ, നാരുകൾ അടങ്ങിയ പച്ചക്കറികളും പ്രോട്ടീൻ ഉള്ള കറികളും ഉപയോഗിച്ച് ഭക്ഷണം സന്തുലിതമാക്കുകയും അതുവഴി രക്തത്തിലെ പഞ്ചസാരയുടെ അളവ് വർദ്ധിക്കുന്നത് തടയുകയും ചെയ്യാം.

പ്രമേഹരോഗികള്‍ക്കുള്ള ചപ്പാത്തി ഉണ്ടാക്കാം, ഇങ്ങനെ

ഗോതമ്പ് മാവ്, ഓട്സ്, ഫ്ളാക്സ് സീഡ്സ് എന്നിവ ചേര്‍ത്ത് ഉണ്ടാക്കുന്ന ഈ ചപ്പാത്തിയില്‍ നാരുകൾ കൂടുതലും ഗ്ലൈസെമിക് സൂചിക കുറവുമാണ്. ഇത് രക്തത്തിലെ പഞ്ചസാരയുടെ അളവ് നിയന്ത്രിക്കാൻ സഹായിക്കുന്നു, കൂടാതെ പ്രമേഹമുള്ളവർക്ക് ആരോഗ്യകരമായ ഒരു ഓപ്ഷനാണ്.

ചേരുവകൾ

തവിട് കളയാത്ത ഗോതമ്പ് മാവ് - 1 കപ്പ്

ഓട്സ് - 1/2 കപ്പ്

ഫ്ലാക്സ് സീഡ്സ് - 2 ടേബിൾസ്പൂൺ

ഉപ്പ്, കുഴയ്ക്കാനുള്ള വെള്ളം - ആവശ്യാനുസരണം

തയാറാക്കുന്ന വിധം

ഒരു മിക്സിംഗ് പാത്രത്തിൽ, മുഴുവൻ ഗോതമ്പ് മാവ്, ഓട്സ്, ഫ്ളാക്സ് സീഡ്സ്, ഉപ്പ് എന്നിവ ഇട്ട്, ക്രമേണ വെള്ളം ചേർത്ത് കുഴയ്ക്കുക.

മാവ് ചെറിയ ഭാഗങ്ങളായി വിഭജിച്ച് പരത്തി എടുക്കുക.

ഒരു തവ അല്ലെങ്കിൽ ഗ്രിൽ ചൂടാക്കി റൊട്ടി ഇരുവശത്തും സ്വർണ്ണ തവിട്ട് നിറമാകുന്നതുവരെ വേവിക്കുക.

കൊഴുപ്പു കുറഞ്ഞ തൈരോ വെജിറ്റബിൾ കറിയോ കൂട്ടി ചൂടോടെ വിളമ്പുക. ഇങ്ങനെ ഉണ്ടാക്കുന്ന ചപ്പാത്തി, വായു കടക്കാത്ത പാത്രത്തിൽ 2 ദിവസം വരെ സൂക്ഷിക്കാം.

ചപ്പാത്തിയുടെ രുചി വർദ്ധിപ്പിക്കാൻ ജീരകപ്പൊടി അല്ലെങ്കിൽ മഞ്ഞൾപ്പൊടി പോലുള്ള സുഗന്ധവ്യഞ്ജനങ്ങൾ ചേർക്കാം.

കൂടുതൽ പോഷകസമൃദ്ധമാക്കാൻ, കാരറ്റ് അല്ലെങ്കിൽ ചീര പോലുള്ള പച്ചക്കറികളും. കൂടാതെ ചപ്പാത്തി കൂടുതല്‍ മൃദുവാക്കാനായി, മാവ് കുഴയ്ക്കുമ്പോൾ അല്പം എണ്ണയോ നെയ്യോ ചേർക്കാം. ഇങ്ങനെ ഉണ്ടാക്കുന്ന ചപ്പാത്തി, വായു കടക്കാത്ത പാത്രത്തിൽ 2 ദിവസം വരെ സൂക്ഷിക്കാം.