പോർക്ക് തീയൽ ഗംഭീരമാണ്! ഈ രീതിയിൽ ഉണ്ടാക്കിയാൽ ആർക്കും ഇഷ്ടപ്പെടും

ചിക്കനും ബീഫും മട്ടനും അല്ലാതെ പോർക്ക് ആയാലോ? അതും റോസ്റ്റും ഫ്രൈയും വേണ്ടസ പോർക്ക് തീയല്‍ തയാറാക്കാം. സ്പെഷലാണ്. തേങ്ങയുടെ രുചിയൊരുമിക്കുന്ന പോർക്ക് തീയൽ ചോറിനും അപ്പത്തിനും ബ്രെഡിനുമൊക്കെ ഉണ്ടാക്കാം. എങ്ങനെയെന്ന് അറിയാം.

പോർക്ക് – 1കിലോ കഴുകി വൃത്തിയാക്കിയത്

മഞ്ഞപൊടി – 2 ടീസ്പൂൺ

ഉപ്പ് – ആവശ്യത്തിന്

കുരുമുളക് – 2 ‍ടീസ്പൂൺ

ഇറച്ചിയുമായി നന്നായി യോജിപ്പിച്ച്, ഇത്തിരി വെള്ളവും ചേർത്ത് മുക്കാല്‍ മണിക്കൂർ അടച്ച‍‍്‍‍‍വച്ച് വേവിക്കാം

വെളിച്ചെണ്ണ – കാൽ കപ്പ്

വറ്റൽ മുളക് – 2എണ്ണം

തേങ്ങ ചിരവിയത്– ഒരു ബൗൾ

കറിവേപ്പില – ആവശ്യത്തിന് ചേർത്ത് നന്നായി ഇളക്കാം

തേങ്ങ ഇളം ബ്രൗൺ നിറമാകുമ്പോൾ കാൽകപ്പ് ചെറിയുള്ളി അരിഞ്ഞത് ചേർത്ത് വഴറ്റാം. 

കശ്മീരി മുളക്പൊടി – 3 ടീസ്പുൺ

മല്ലിപൊടി – 3 ടീസ്പൂൺ

തേങ്ങയിൽ ചേർത്ത് മൂപ്പിച്ചെടുക്കാം. തണുത്തതിനു ശേഷം അരച്ചെടുക്കാം.

വെളിച്ചെണ്ണ– കാൽകപ്പ്

പെരുംജീരകം –2 ടീസ്പൂൺ

ഇഞ്ചി വെളുത്തുള്ളി – കാൽ കപ്പ്

സവാള – 3എണ്ണം

ഉപ്പ്– ആവശ്യത്തിന്

സവാള നന്നായി വഴന്ന് വരുമ്പോൾ വറുത്തരച്ച തേങ്ങയും ചേർത്ത് നന്നായി യോജിപ്പിക്കാം.

കുരുമുളക്പൊടി –1 ടീസ്പൂണ്‍

ഗരംമസാല– 2 ടീസ്പൂണ്‍

  വേവിച്ച പോർക്ക് ചേർത്ത് നന്നായി യോജിപ്പിക്കാം.

അടച്ച്‍‍വച്ച്  45മിനിറ്റ് നേരം വേവിക്കാം.

 കുറുകിയ പരുവത്തിന് പോർക്ക് തീയൽ പാലപ്പത്തിനൊപ്പം കഴിക്കാം ഇത്തവണത്തെ ഈസ്റ്ററിന് തയാറാക്കാം പോർക്ക് തീയല്‍