തട്ടുകടയിലെ രുചിയില്‍ പഴംപൊരി ഇനി വീട്ടിലുണ്ടാക്കാം

പഴംപൊരിയും ബീഫും കിടിലൻ കോമ്പിനേഷനാണ്. ഇന്ന് മിക്ക ചായക്കടകളിലെയും ഹിറ്റു കോംമ്പോകളിലുമൊന്നുമാണ് ഈ ഐറ്റം. 

എണ്ണയിൽ വറുത്തു കോരിയ ചൂടുപഴംപൊരിയും. മസാലയിൽ വെന്ത്പാകമായ തേങ്ങാകൊത്തിന്റെ രുചിനിറഞ്ഞ ബീഫും ചൂടോടെ കഴിക്കണം. ഹാ സ്വർഗീയം എന്നു തന്നെ പറയാം. ഈ കോംമ്പോ ഇനി വീട്ടിലൊന്നു പരീക്ഷിച്ച് നോക്കിയാലോ? 

ചേരുവകൾ 

നേന്ത്രപഴം - 3

മൈദ - മുക്കാൽ കപ്പ്

ദോശ മാവ്  - മുക്കാൽ കപ്പ്

ബേക്കിങ് സോഡ - കാൽ സ്പൂൺ

ഉപ്പ് - ഒരു നുള്ള് 

പഞ്ചസാര - 3 ടേബിൾ സ്പൂൺ

മഞ്ഞൾപ്പൊടി - കാൽ സ്പൂൺ

എള്ള് -  1 സ്പൂൺ (ഓപ്ഷണൽ) 

തയാറാക്കുന്ന വിധം

- ഒരു പാത്രത്തിൽ മൈദ, ദോശമാവ്, മഞ്ഞൾപ്പൊടി, ഉപ്പ്, പഞ്ചസാര എന്നിവ ചേർത്ത് യോജിപ്പിച്ച കുറേശ്ശേ വെള്ളം ഒഴിച്ച് കൈകൊണ്ട് നന്നായി യോജിപ്പിക്കുക. 

- ശേഷം ഒരു സ്പൂണോ ഫോർക്കോ കൊണ്ട് കട്ടയില്ലാതെ യോജിപ്പിച്ചു വയ്ക്കുക. ഒരു സ്പൂൺ എള്ള് കൂടെ വേണമെങ്കിൽ ചേർക്കാം.

- ശേഷം പഴം തൊലി കളഞ്ഞു വേണ്ട വലുപ്പത്തിൽ കനം കുറച്ച് മുറിക്കുക.

- ഒരു ചീനച്ചട്ടിയിൽ എണ്ണ ഒഴിച്ച് നന്നായി ചൂടാവുമ്പോൾ ഓരോ പഴ കഷ്ണങ്ങൾ മാവിൽ മുക്കി എണ്ണയിൽ ഇടുക. ഒന്നു ഇട്ട് കുറച്ചു കഴിഞ്ഞു മാത്രം അടുത്തത് കൂടെ ഇട്ട് തിരിച്ചും മറിച്ചും ഇട്ട് വേവിച്ച് എടുക്കാം.