ചപ്പാത്തിയുടെ കൂടെ കഴിക്കാനിതാ സൂപ്പർ കറി

ചപ്പാത്തിയുടെ കൂടെ കഴിക്കാൻ നല്ല ഒരു കറി തയാറാക്കാം. എല്ലാവർക്കും ഇഷ്ടമാകും സോയാചങ്സ് കറി. എങ്ങനെ രുചിയോടെ തയാറാക്കുെമന്ന് നോക്കാം.

സോയാ ചങ്ക്സ് കറി

സോയാചങ്ക്സ്:1 1/2ഗ്ലാസ്‌

സവാള :3

തക്കാളി :2

പച്ചമുളക് :4

ഇഞ്ചി

വെളുത്തുള്ളി:8

മഞ്ഞൾപ്പൊടി: 1/2 ടീസ്പൂൺ

മുളക് പൊടി:1 ടീസ്പൂൺ

മല്ലിപ്പൊടി:2 ടീസ്പൂൺ

കടലമാവ്:1 ടീസ്പൂൺ

തയാറാക്കുന്ന വിധം

സോയാ ചങ്സ് തിളച്ച വെള്ളത്തിൽ ഇട്ട് രണ്ട് മിനിറ്റ് തിളപ്പിച്ചതിനു ശേഷം പച്ചവെള്ളത്തിൽ പിഴിഞ്ഞെടുക്കുക.

ഒരു പാനിൽ എണ്ണ ഒഴിച്ച്ചൂടായാൽ കടലമാവ് ചേർക്കുക. മൂത്ത് വന്നാൽ ഇഞ്ചി, പച്ചമുളക്, വെളുത്തുള്ളി ചതച്ചത് ചേർക്കുക. മൂത്താൽ സവാള ചേർത്ത് വഴന്നു വരുമ്പോൾ പൊടികൾ ചേർക്കുക. ശേഷം തക്കാളി അരച്ചത് ചേർക്കുകെ നന്നായി വഴന്നു വന്നാൽ സോയാചങ്ക്സ് കഷ്ണങ്ങളാക്കി ചേർക്കുക. ആവശ്യത്തിന് ഉപ്പും അര ഗ്ലാസ് വെള്ളവും ചേർത്ത് അടച്ചു വെച്ച് അഞ്ചു മിനിറ്റ് വേവിക്കുക. സോയാ ചങ്സ് കറി തയാർ.