ജില്ലയിൽ 13 പേർക്കുകൂടി കോവിഡ്; 199 പേർ ചികിത്സയിൽ
Mail This Article
ആലപ്പുഴ ∙ ജില്ലയിൽ ഇന്നലെ 13 പേർക്കു കോവിഡ് 19 സ്ഥിരീകരിച്ചു. 11 പേർ വിദേശത്തു നിന്നും ഒരാൾ മുംബൈയിൽ നിന്നുമാണ് എത്തിയത്. ഒരാൾക്കു സമ്പർക്കത്തിലൂടെ രോഗം ബാധിച്ചു. എല്ലാവരെയും മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. ആകെ 199 പേർ ആശുപത്രികളിൽ ചികിത്സയിലുണ്ട്. ചികിത്സയ്ക്കായി തിരുവല്ലയിലെ സ്വകാര്യ ആശുപത്രിയിൽ പ്രവേശിപ്പിച്ചിരുന്ന വെൺമണി സ്വദേശിയായ യുവാവിനാണു സമ്പർക്കത്തിലൂടെ രോഗം ബാധിച്ചത്. മുംബൈയിൽ നിന്നെത്തിയ അമ്പലപ്പുഴ സ്വദേശിക്കും കോവിഡ് സ്ഥിരീകരിച്ചു.
വിദേശത്തു നിന്നെത്തിയവർ: 60 വയസ്സുള്ള അമ്പലപ്പുഴ സ്വദേശി, ബുധനൂർ സ്വദേശിയായ യുവാവ് (ഇരുവരും ഖത്തർ), 58 വയസ്സുള്ള ആലപ്പുഴ സ്വദേശിനി, വെണ്മണി സ്വദേശിയായ യുവാവ്, 63 വയസ്സുള്ള വണ്ടാനം സ്വദേശി, അമ്പലപ്പുഴ സ്വദേശിയായ യുവാവ് (4 പേരും സൗദി), 51 വയസ്സുള്ള ഭരണിക്കാവ് (ബഹറിൻ), വെളിയനാട് സ്വദേശിയായ യുവാവ്, മാന്നാർ സ്വദേശിയായ യുവാവ്, അമ്പലപ്പുഴ സ്വദേശി (മൂവരും കുവൈത്ത്), അമ്പലപ്പുഴ സ്വദേശിയായ യുവാവ് (യുഎഇ)