കനത്തമഴ, വെള്ളപ്പൊക്കം; ചെങ്ങന്നൂരിൽ വ്യാപക കൃഷി നാശം, നശിച്ചതു 180 ഹെക്ടറിലെ നെൽക്കൃഷി...

ചെങ്ങന്നൂർ ∙ തുടർച്ചയായി പെയ്ത കനത്ത മഴയിലും വെള്ളപ്പൊക്കത്തിലും ചെങ്ങന്നൂർ ബ്ലോക്കിൽ നശിച്ചതു 180 ഹെക്ടറിലെ നെൽക്കൃഷി. 10 മുതൽ 55 ദിവസം വരെ പ്രായമെത്തിയ നെൽച്ചെടികളാണ് വെള്ളത്തിലായത്. വായ്പയെടുത്തും മറ്റും കൃഷിയിറക്കിയ കർഷകർ ഇതോടെ ദുരിതത്തിലായി.

ഉമ, ജ്യോതി വിത്തുകളാണു പ്രദേശത്തെ പാടശേഖരങ്ങളിൽ വിതച്ചത്. അടുത്ത ചിങ്ങമാസത്തിലെ വിളവെടുപ്പ് പ്രതീക്ഷിച്ചു നട്ട വാഴയും, വെറ്റില കൃഷിയും വ്യാപകമായി നശിച്ചിട്ടുണ്ട്. നെല്ല് ഒഴികെ,  പച്ചക്കറി അടക്കമുള്ള കൃഷികളിലായി  12.32 ലക്ഷം രൂപയുടെ നഷ്ടമുണ്ടായെന്നാണു കൃഷി വകുപ്പിന്റെ പ്രാഥമിക കണക്ക്. 

കണക്ക് ഇങ്ങനെ നെൽക്കൃഷി നാശത്തിന്റെ കണക്ക് ഇങ്ങനെ : കൃഷിഭവൻ ,നാശനഷ്ടം (ഹെക്ടറിൽ) എന്ന ക്രമത്തിൽ. 

പുലിയൂർ - 48
ചെറിയനാട് - 44
വെണ്മണി - 40
പാണ്ടനാട് - 30
തിരുവൻവണ്ടൂർ – 18.