ഒന്നിച്ചുതന്നെ ഇനിയും; ഇരട്ടകളുടെ വിവാഹം ഇരട്ടകളുമായി

എടത്വ ∙ ഇരട്ടകളായ പവിത്രയും സുചിത്രയും വിവാഹശേഷം ഒരേ വീട്ടിലേക്ക്  വലതുകാൽ വച്ച് കയറി. ഇരട്ട സഹോദരങ്ങളായ ഇവരെ ഇരട്ട സഹോദരന്മാർ തന്നെ വിവാഹം കഴിച്ചു.തലവടി ഇലയനാട് വീട്ടിൽ ഇ.എൻ പവിത്രന്റെയും സുമംഗല ദേവിയുടെയും മക്കളായ ഇവരെ പത്തനംതിട്ട പെരിങ്ങര ചക്കാലത്തറ പേരകത്ത് വീട്ടിൽ മണിക്കുട്ടൻ, രത്നമ്മ ദമ്പതികളുടെ ഇരട്ട ആൺമക്കളായ അനുവും വിനുവും വരണമാല്യം ചാർത്തി.  ഇന്നലെ 12.15-ന് തലവടി മഹാഗണപതി ക്ഷേത്ര നടയിലായിരുന്നു വിവാഹം. കോവിഡ് പ്രോട്ടോക്കോൾ പാലിച്ചായിരുന്നു ചടങ്ങുകൾ.