പ്രധാനമന്ത്രി ഗവേഷണ ഫെലോഷിപ് കുണ്ടറ സ്വദേശിനിക്ക്

ചെങ്ങന്നൂർ ∙ പ്രധാനമന്ത്രി ഗവേഷണ ഫെലോഷിപ് കുണ്ടറ സ്വദേശിനി ടിമ്മി ടൈറ്റസിന്. ഏകദേശം 60 ലക്ഷം രൂപയാണ് ഫെലോഷിപ്. തിരുവനന്തപുരം ഐസറിൽ ഗവേഷണ വിദ്യാർഥിനിയാണ്.ചെങ്ങന്നൂർ ക്രിസ്ത്യൻ കോളജിൽ പഠിച്ചിരുന്ന സമയത്ത് അതിസൂക്ഷ്മ കാർബൺ പദാർഥങ്ങൾ ഉപയോഗിച്ചു മലിനജല ശുദ്ധീകരണത്തെക്കുറിച്ചു നടത്തിയ പഠനമാണ് ഫെലോഷിപ്പിന് അർഹയാക്കിയത്.കുണ്ടറ ഹെബ്രോൻ ഇംഗ്ലിഷ് മീഡിയം സ്കൂൾ അധ്യാപകൻ പ്ലാവറ പൊയ്കയിൽ ടൈറ്റസ് കെ.ജോണിന്റെയും പൊന്നമ്മ തോമസിന്റെയും മകളാണ്.