വീട്ടമ്മയ്ക്കുനേരെ തെരുവുനായ് ആക്രമണം

ചെങ്ങന്നൂർ ∙ വീട്ടമ്മയ്ക്കു തെരുവുനായയുടെ കടിയേറ്റു. തിരുവൻവണ്ടൂർ 12–ാം വാർഡ് പള്ളത്ത് തോണ്ടപ്പടി കൊച്ചുമോളെയാണ് (45)  തെരുവുനായ കടിച്ചത്. വീടിനു സമീപം വസ്ത്രം അലക്കിക്കൊണ്ടു നിൽക്കവേ റോഡിൽ കൂടി ഓടിവന്ന നായ കൊച്ചുമോളുടെ കാൽമുട്ടിനുതാഴെ കടിച്ചു മുറിവേൽപ്പിക്കുകയായിരുന്നു. നാലു പല്ലുകൾ കാലിൽ ആഴ്ന്നിറങ്ങിയിട്ടുണ്ട്. കൊച്ചുമോളുടെ നിലവിളി കേട്ടെത്തിയ നാട്ടുകാർ തിരുവല്ല ഗവ. ആശുപത്രിയിൽ പ്രവേശിപ്പിച്ചു. നായയ്ക്കായി നാട്ടുകാർ തിരച്ചിൽ നടത്തിയെങ്കിലും കണ്ടെത്താനായില്ല.