പുതുവത്സരത്തിലേക്ക് ഡയാനയുടെ കാൽവയ്പ് 10 കുഞ്ഞുങ്ങളുമായി

 ഹരിപ്പാട് കുഴിക്കാല സ്വദേശി സന്തോഷ് കുമാറിന്റെ വളർത്തുനായ ലാബ്രഡോർ ഇനത്തിൽപെട്ട ഡയാനയാണ് (2) ഇന്നലെ രാത്രി 10 കുഞ്ഞുങ്ങളെ പ്രസവിച്ചത്. 65 ദിവസമായിട്ടും പ്രസവിക്കാത്തതിനെ തുടർന്നാണ് ഹരിപ്പാട് ട്രീറ്റ് അൺ യൂഷ്വൽ വെറ്ററിനറി ഹോസ്പിറ്റലിൽ ഡയാനയെ എത്തിച്ചത്. സീനിയർ വെറ്ററിനറി സർജൻ ഡോ. അശ്വതിയുടെ നേതൃത്വത്തിൽ സ്കാനിങ് നടത്തിയപ്പോൾ 10 കുഞ്ഞുങ്ങളുണ്ടെന്ന് ബോധ്യമായി. ഉടൻ സീസേറിയൻ നടത്തി. ഡോ. രശ്മി രവീന്ദ്രൻ, ഡോ. തസ്നി സാദിഖ് നഴ്സുമാരായ അഷ്ഹിൽ, അഫ്സൽ എന്നിവരാണ് ശസ്ത്രക്രിയയിലൂടെ 10 കുഞ്ഞുങ്ങളെ പുറത്തെടുത്തത്.