ഇടനാട് പ്രദേശത്ത് കാട്ടുപന്നിശല്യം രൂക്ഷം

ചെങ്ങന്നൂർ ∙ നഗരസഭയിൽ ഇടനാട് പ്രദേശത്ത് കാട്ടുപന്നിശല്യം രൂക്ഷമാകുന്നു.രണ്ടാഴ്ചയായി രാത്രിയിൽ പ്രദേശത്തെ വിളകൾ വ്യാപകമായി നശിപ്പിക്കുകയാണ്. വെങ്ങോലിൽ പി.സി. രാജൻ, പള്ളിക്കൽ ബാബു എന്നിവരുടെ പുരയിടത്തിലെ മരച്ചീനിക്കൃഷി കാട്ടുപന്നികൾ പൂർണമായി നശിപ്പിച്ചു.

ഇടനാട് ഭാഗത്ത് വ്യാപകമായുള്ള കുറ്റിക്കാടുകളിൽ പകൽ സമയത്ത് കഴിയുന്ന കാട്ടുപന്നികൾ രാത്രിയിലാണ് തീറ്റതേടി കൃഷിയിടത്തിൽ ഇറങ്ങുന്നത്.ഒറ്റയ്ക്കും കൂട്ടായും വിഹരിക്കുന്ന പന്നികൾ ഇരുചക്ര വാഹന യാത്രികർക്കും പ്രഭാതസവാരിക്കാർക്കും ഭീഷണിയാകുന്നുണ്ട്. സമീപപ്രദേശമായ പുത്തൻകാവിലും ഈയിടെ കാട്ടുപന്നിശല്യം ഉണ്ടായി.