ചേർത്തല ∙ സ്വകാര്യബസ് യാത്രയ്ക്കിടെ സ്ത്രീയുടെ സ്വർണമാല പൊട്ടിച്ചെടുത്ത തമിഴ്നാട് സ്വദേശികളെ യാത്രക്കാരുടെ സഹായത്തോടെ പൊലീസ് പിടികൂടി. തിരുപ്പൂർ ചെട്ടിപ്പാളയം കോവിൽ വളവിൽ ഡോർ നമ്പർ 13ൽ താമസിക്കുന്ന ദേവീ(39), ശിവ (36) എന്നിവരെയാണ് പിടികൂടിയത്.
ഇന്നലെ രാവിലെ കോട്ടയത്തുനിന്നു ചേർത്തലയ്ക്കുള്ള ബസിൽ യാത്രചെയ്തിരുന്ന വാരനാട് കുപ്പക്കാട്ടിൽ ദേവകിയുടെ (72) സ്വർണമാലയാണ് പൊട്ടിച്ചെടുത്തത്. മാലപൊട്ടിച്ചത് ശ്രദ്ധയിൽപെട്ടതോടെ മറ്റു യാത്രക്കാരുടെ സഹായത്തോടെ ഇരുവരെയും പിടികൂടുകയായിരുന്നു. പ്രതികളെ കോടതിയിൽ ഹാജരാക്കി. റിമാൻഡ് ചെയ്തു.
