ആലപ്പുഴ ജില്ലയിൽ ഇന്ന് (07-06-2023); അറിയാൻ, ഓർക്കാൻ

നേത്ര ചികിത്സാ ക്യാംപ് 10ന്: ചേർത്തല∙ താലൂക്ക് മഹാസമാധി ദിനാചരണ കമ്മിറ്റിയുടെയും ശ്രീനാരായണഗുരു ധർമ്മ സേവാ സംഘത്തിന്റെയും , തിരുനെൽവേലി അരവിന്ദ് കണ്ണാശുപത്രിയുടെയും നേതൃത്വത്തിൽ സൗജന്യ നേത്ര ചികിത്സാ ക്യാംപ് 10ന് നടക്കും. ചേർത്തല കെഎസ്ആർടിസി ബസ് സ്റ്റാൻഡിന് സമീപം സി.വി. കുഞ്ഞിക്കുട്ടൻ മെമ്മോറിയൽ ഗുരുദേവ പ്രാർഥനാ ഹാളിൽ രാവിലെ 8 മുതൽ 1 വരെയാണ് ക്യാംപ്. 9946005873, 8848856338.

ബ്ലോക്ക് ടെക്നോളജി മാനേജർ: അഭിമുഖം 13ന്

ആലപ്പുഴ∙ അഗ്രികൾചറൽ ടെക്നോളജി മാനേജ്മെന്റ് ഏജൻസി (ആത്മ)യിൽ കരാർ അടിസ്ഥാനത്തിൽ ബ്ലോക്ക് ടെക്നോളജി മാനേജരെ നിയമിക്കുന്നു. ഫിഷറീസ് മേഖലയിൽ ബിരുദാനന്തര ബിരുദമാണു യോഗ്യത. 1 ഒഴിവാണുള്ളത്. പ്രതിമാസം 29,535 രൂപ ഓണറേറിയം ലഭിക്കും. ഉയർന്ന പ്രായപരിധി: 45 വയസ്സ്. താൽപര്യമുള്ളവർ യോഗ്യത തെളിയിക്കുന്ന സർട്ടിഫിക്കറ്റുകളുടെ അസ്സലും സ്വയം സാക്ഷ്യപ്പെടുത്തിയ പകർപ്പുകളും സഹിതം 13നു 11നു ആത്മ പ്രോജക്ട് ഡയറക്ടറുടെ കളർകോടുള്ള കാര്യാലയത്തിൽ എത്തണം. കംപ്യൂട്ടർ പരിജ്ഞാനം, മാതൃഭാഷ കൈകാര്യം ചെയ്യാനുള്ള പ്രാവീണ്യം എന്നിവയ്ക്ക് മുൻഗണന. ഫോൺ: 0477 2962961. 

എംബിഎ പ്രവേശനം 

അമ്പലപ്പുഴ ∙ പുന്നപ്ര ഇൻസ്റ്റിറ്റ്യൂട്ട് ഓഫ് മാനേജ്മെന്റ് ആൻഡ് ടെക്നോളജിയിൽ (ഐഎംടി)ദ്വിവത്സര ഫുൾടൈം എം. ബി. എ പ്രോഗ്രാമിലേക്ക് പ്രവേശനം തുടരുന്നതിന്റെ ഭാഗമായി നാളെ  10 ന് ഇൻസ്റ്റിറ്റ്യൂട്ടിൽ ഗ്രൂപ്പ് ഡിസ്കഷനും ഇന്റർവ്യൂവും നടക്കും. 50 ശതമാനം മാർക്കോടുകൂടി ഡിഗ്രി പരീക്ഷ പാസായവർക്കും (എസ്‌സി/എസ്‌ടി ക്ക് 40% മാർക്ക്, എസ്ഇബിസി/ ഒബിസി ക്ക് 48% മാർക്ക്) അവസാന വർഷ ബിരുദ വിദ്യാർഥികൾക്കും കെ - മാറ്റ് /സി -മാറ്റ് /ക്യാറ്റ് ഉള്ളവർക്കും അതിന് അപേക്ഷ സമർപ്പിച്ചിട്ടുള്ളവർക്കും പങ്കെടുക്കാം. വിലാസം - ഡയറക്ടർ, ഇൻസ്റ്റിറ്റ്യൂട്ട് ഓഫ് മാനേജ്മെന്റ് ആൻഡ് ടെക്നോളജി പുന്നപ്ര,അക്ഷരനഗരി വാടയ്ക്കൽ പി.ഒ ആലപ്പുഴ- 688003. വിവരങ്ങൾക്ക് .0477 2267602,91880 67601.

കുടിശിക 30 വരെ അടയ്ക്കാം

ആലപ്പുഴ ∙ കേരള മോട്ടർ തൊഴിലാളി, ഓട്ടോ മൊബൈൽ വർക്‌ഷോപ് തൊഴിലാളി ക്ഷേമനിധി പദ്ധതിയിൽ അംഗങ്ങളായ തൊഴിലാളികൾക്ക് കുടിശിക ഒടുക്കാൻ ഈ മാസം 30 വരെ സമയം അനുവദിച്ചിട്ടുണ്ടെന്ന് ജില്ലാ എക്സിക്യൂട്ടീവ് ഓഫിസർ അറിയിച്ചു

അധ്യാപക ഒഴിവ്

ചെങ്ങന്നൂർ ∙ ഗവ.ബോയ്സ് ഹൈസ്കൂളിൽ സോഷ്യൽസയൻസ് അധ്യാപക ഒഴിവുണ്ട്. ഇന്നു 10.30നു കൂടിക്കാഴ്ച. 99616 16711.

കുട്ടനാട് ∙ കുട്ടമംഗലം എസ്എൻഡിപി എച്ച്എസ്എസിൽ ഹയർ സെക്കൻഡറി വിഭാഗത്തിൽ ഫിസിക്സ് സീനിയർ അധ്യാപക ഒഴിവിലേക്ക് അപേക്ഷ ക്ഷണിച്ചു. യോഗ്യരായവർ 14നു മുൻപായി അപേക്ഷിക്കണം.  sndphsskuttamangalam@gmail.com. ഫോൺ : 9446379797.

കുട്ടനാട്∙ കാവാലം ഗവ. യുപി സ്കൂളിൽ യുപിഎസ്ടി താൽക്കാലിക അധ്യാപക ഒഴിവിലേക്ക് അപേക്ഷ ക്ഷണിച്ചു. യോഗ്യരായവർ 9നു രാവിലെ 11ന് അസ്സൽ സർട്ടിഫിക്കറ്റുമായി സ്കൂൾ ഓഫിസിൽ എത്തണം. 0477–2748223, 8848697102.

കുട്ടനാട് ∙ കുന്നങ്കരി ഗവ. എൽപി സ്കൂളിൽ എൽപിഎസ്ടി താൽക്കാലിക ഒഴിവിലേക്ക് അപേക്ഷ ക്ഷണിച്ചു. യോഗ്യരായവർ ഇന്ന്   10ന് അസ്സൽ രേഖകളുമായി സ്കൂൾ ഓഫിസിൽ ഹാജരാകണം.

എസിസിഎ കോഴ്സ്

എടത്വ ∙ സെന്റ് അലോഷ്യസ് കോളജിൽ ബി.കോം. ഫിനാൻസ് ആൻഡ് ടാക്‌സേഷൻ കോഴ്‌സിൽ 6 + പേപ്പർ ഇളവോടെയുള്ള എസിസിഎ (അസോസിയേഷൻ ഓഫ് ചാർട്ടേഡ് സർട്ടിഫൈഡ് അക്കൗണ്ടൻസ്) പ്രോഗ്രാം ആരംഭിക്കുന്നു. കോഴ്‌സിനെക്കുറിയാൻ കോളജുമായി ബന്ധപ്പെടണമെന്ന് പ്രിൻസിപ്പൽ അറിയിച്ചു. ഫോൺ: 6282789548.

ഡെമോൺസ്‌ട്രേറ്റർ ഒഴിവ്

ചെങ്ങന്നൂർ ∙ ഐഎച്ച്ആർഡി എൻജിനീയറിങ്  കോളജിൽ  ഡെമോൺസ്‌ട്രേറ്റർ/വർക്ക്ഷോപ്പ് ഇൻസ്ട്രക്ടർ (ഇലക്ട്രിക്കൽ) തസ്തികയിലേക്ക് താൽക്കാലിക നിയമനം നടത്തുന്നു. നാളെ 10.30ന് കൂടിക്കാഴ്ച. വെബ്സൈറ്റ്–www.ceconline.edu .ഫോൺ: : 0479  2454125, 0479 2455125.