തകഴി  ∙ കുന്നുമ്മ എസ്എൻഡിപി ശാഖായോഗത്തിന്റെ നേതൃത്വത്തിൽ  ശ്രീനാരായണഗുരുമഹാസമാധിദിനാചരണം നാളെ  ശാഖാഗുരുസന്നിധിയിൽ  നടക്കും. പുലർച്ചെ  ഗുരുപൂജയോടെ ചടങ്ങുകൾ തുടങ്ങും. 8ന് ഭാഗവതപാരായണം,12ന് ശാന്തിയാത്ര, 3.30ന് മഹാസമാധി വിശേഷാൽപൂജ  .4.30ന് സമാധി സമ്മേളനം കുട്ടനാട് സൗത്ത് യൂണിയൻ  ചെയർമാ‍ൻ സന്ദീപ് പച്ചയിൽ ഉദ്ഘാടനം ചെയ്യും.ശാഖാ പ്രസിഡന്റ് എ.ഡ‍ി. പ്രകാശൻ  അധ്യക്ഷനാകും. കൺവീനർ പി.സുപ്രമോദം സംഘടനാ സന്ദേശം നൽകും. ഡോ.എം.എം.ബഷീർ ആത്മീയപ്രഭാഷണവും നടത്തും.