പൂച്ചാക്കൽ ∙   2.4 കിലോഗ്രാം കഞ്ചാവുമായി അസം സ്വദേശി എക്സൈസിന്റെ പിടിയിലായി. അസം ദമാംഗ് ജില്ലയിലെ ജൊനായ് സ്വദേശി ഭായ്ജാൻ ഹഖാണ് (29) പിടിയിലായത്. ഇന്നലെ ഉച്ചയ്ക്കു ശേഷം പൂച്ചാക്കലിലെ വാടകവീട്ടിൽ വച്ച് എക്സൈസ് കുത്തിയതോട് റേഞ്ച് ഉദ്യോഗസ്ഥരാണ് പിടികൂടിയത്. ചേർത്തല കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു. കുത്തിയതോട് റേഞ്ച് എക്സൈസ് ഇൻസ്പെക്ടർ സി.എസ്. സുനിൽകുമാർ, പ്രിവന്റീവ് ഓഫിസർ സി.എൻ. ബിജുലാൽ, സിവിൽ എക്സൈസ് ഓഫിസർമാരായ യു. ഉമേഷ്, എസ്. സജേഷ്, റംഷി അറയ്ക്കൽ റഹീം എന്നിവർ പരിശോധനയ്ക്ക് നേതൃത്വം  നൽകി.