എൻഫോഴ്സ്മെന്റ് സ്ക്വാഡ് ക്രമക്കേടുകൾ കണ്ടെത്തി
Mail This Article
ആലപ്പുഴ∙ ജില്ലാ എൻഫോഴ്സ്മെന്റ് സ്ക്വാഡും തദ്ദേശ സ്വയംഭരണ സ്ഥാപന എൻഫോഴ്സ്മെന്റ് സ്ക്വാഡും ആലപ്പുഴ മുനിസിപ്പാലിറ്റി പ്രദേശത്ത് നടത്തിയ പരിശോധനയിൽ വിവിധ ക്രമക്കേടുകൾ കണ്ടെത്തി. നഗരസഭാ പരിധിയിലെ കല്യാണ മണ്ഡപങ്ങൾ ഭക്ഷണശാലകൾ, പഴം, പച്ചക്കറിക്കടകൾ, മത്സ്യ-മാംസ വിതരണ കേന്ദ്രങ്ങൾ ബേക്കറികൾതുടങ്ങിയ സ്ഥലങ്ങളിലാണ് പരിശോധന നടത്തിയത്. മാലിന്യം അശാസ്ത്രീയമായി കൈകാര്യം ചെയ്യുന്നതും നിരോധിത പ്ലാസ്റ്റിക് ഉൽപന്നങ്ങൾ ഉപയോഗിക്കുന്നതും കണ്ടെത്തി.
നിയമലംഘനം കണ്ടെത്തിയ സ്ഥാപനങ്ങൾക്ക് 10000 രൂപ വീതം പിഴ ചുമത്താൻ ശുപാർശ ചെയ്തു. വരും ദിവസങ്ങളിലും പരിശോധന തുടരും. വീടുകളിലും സ്ഥാപനങ്ങളിലും ഉള്ള പ്ലാസ്റ്റിക് മാലിന്യം ഹരിതകർമസേനയ്ക്ക് കൈമാറണെന്നും അധികൃതർ പറഞ്ഞു. എൻഫോഴ്സ്മെന്റ് സ്ക്വാഡ് ലീഡർ സി.കെ.ഷിബുവിന്റെ നേതൃത്വത്തിൽ അംഗങ്ങളായ കെ.പി.വർഗീസ്, സി.ജയകുമാർ, ബി.മനോജ്കുമാർ, സുമേഷ് പവിത്രൻ, സി.എം.ബൈജു എന്നിവർ പങ്കെടുത്തു.
