ആലപ്പുഴ∙ തുറവൂർ അന്ധകാരനഴി വടക്കേ സ്പിൽവേ ഷട്ടറുകൾ ഉയർത്തണമെന്ന് ആവശ്യപ്പെട്ട് തുറവൂർ കരിനിലത്തിനരികിൽ താമസിക്കുന്ന കുടുംബങ്ങൾ റോഡിൽ കുത്തിയിരുന്നു ഉപരോധം. ചാവടി പള്ളിത്തോട് റോഡിലാണ് കുത്തിയിരുന്ന് പ്രതിഷേധിക്കുന്നത്. 

മഴക്കെടുതി മൂലം പാടശേഖരങ്ങൾ നിറഞ്ഞ് പൊഴിച്ചാൽ കവിഞ്ഞൊഴുകി വീടുകൾ വെള്ളക്കെട്ടിലാണ്. വെള്ളക്കെട്ട് ഒഴിവാക്കണമെവങ്കിൽ വടക്കേ ഷട്ടറുകൾ പൂർണമായി ഉയർത്തണമെമെന്നാണ് നാട്ടുകാർ ആവശ്യപ്പെടുന്നത്. കുത്തിയതോട് പൊലീസ് എത്തി പ്രതിഷേധക്കാരുമായി ചർച്ചകൾ നടത്തുന്നുണ്ട്.