ചേർത്തല∙ കണിച്ചുകുളങ്ങര ദേവീക്ഷേത്രത്തിൽ പ്രഥമ ദേവീ ഭാഗവത നവാഹ യജ്ഞത്തിന്റെ ഭാഗമായി ഭക്തിസാന്ദ്രമായി കുമാരി പൂജ നടന്നു. 2 മുതൽ 10 വയസുവരെ പ്രായമുള്ള നൂറുകണക്കിന് ബാലികമാരെ ദേവിയുടെ വിവിധ നാമങ്ങളിൽ സങ്കൽപ്പിച്ചാണ് പൂജ നടത്തിയത്.ഇന്ന് വൈകിട്ട് 5.30ന് മുൻ ഡിജിപി ബി.സന്ധ്യ മുഖ്യാതിഥിയായി നവാഹ യജ്ഞത്തിൽ പങ്കെടുത്തും.

തുടർന്ന് സർവൈശ്വര്യപൂജയും ഭജൻസും നടക്കും. യജ്ഞ വേദിയിൽ ഇന്ന് 5.30ന് ഗണപതി ഹോമം, 6.30ന് ലളിതാ സഹസ്രനാമം, 7.30ന് ഗ്രന്ഥനമസ്കാരം, 7.45 ന് പാരായണം, 11.30ന് പ്രഭാഷണം, 1ന് പ്രസാദ ഊട്ട്, 2ന് പാരായണം, വൈകിട്ട് 6ന് നെയ്‌വിളക്ക് പ്രദക്ഷിണം, സമൂഹപ്രാർഥന 6.30ന് വാസ്തുദോഷ പരിഹാര പൂജ, ഭജൻസ് എന്നിവ നടക്കും