ADVERTISEMENT
Skip ads. Subscribe now.

ചേർത്തല∙ റീബിൽഡ് കേരളയിൽ പദ്ധതിയിൽ ചേർത്തല നഗരസഭ പരിധിയിൽ നിർമിക്കുന്ന ശുചിമുറി മാലിന്യ സംസ്കരണ പ്ലാന്റ് നവംബറിൽ ഉദ്ഘാടനം ചെയ്യും. ചേർത്തല നഗരസഭ  ആനതറ വെളിയിൽ നിർമിക്കുന്ന പ്ലാന്റിന്റെ 75 ശതമാനം നിർമാണ പ്രവർത്തനങ്ങളും പൂർത്തിയായി. മൂന്നു ഘട്ടങ്ങളായുള്ള കോൺക്രീറ്റിങ്ങിന്റെ ഒന്നാം ഘട്ടവും അടുത്തയിടെ പൂർത്തിയാക്കി. ഇൗ മാസം രണ്ടാംഘട്ടവും അടുത്തമാസം മൂന്നാംഘട്ടവും പൂർത്തിയാക്കും. തുടർന്നു പ്രവർത്തനം തുടങ്ങാൻ കഴിയും. 

പ്ലാന്റ് നിർമാണവുമായി ബന്ധപ്പെട്ട് ഏറെ തടസ്സങ്ങളും പ്രതിസന്ധികളും നേരിട്ടെങ്കിലും നഗരസഭയുടെ നേതൃത്വത്തിൽ മന്ത്രിതലത്തിൽ നടത്തിയ പരിശ്രമമാണു നിർമാണം മുന്നോട്ടുകൊണ്ടുപോയത്. മുംബൈ ആസ്ഥാനമായ ഐയോൺക്സ് എൻവിറോ ടെക്കിന്റെ നേതൃത്വത്തിലാണു പ്ലാന്റ് നിർമാണം പുരോഗമിക്കുന്നത്. പ്ലാന്റിൽ ദിവസേന 250 കിലോലീറ്റർ വരെ ശുചിമുറി മാലിന്യം സംസ്കരിക്കാൻ കഴിയും. ചേർത്തല നഗരസഭ പരിധിയിലെയും സമീപ പഞ്ചായത്തുകളിലെയും ശുചിമുറി മാലിന്യം സംസ്കരിക്കാൻ പ്ലാന്റിനു സാധിക്കും.

English Summary:

Cherthala municipality is nearing the completion of a new sewage treatment plant, a project under the Rebuild Kerala initiative. The plant, located at Anathara Veli, will have a capacity of 250 kilolitres per day and serve Cherthala and nearby panchayats. Despite initial hurdles, the project is on track for a November inauguration.

TAGS

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കു www.quickerala.com