ദേശീയപാത നിർമാണം: മുന്നറിയിപ്പ് ബോർഡ് വീണ് യുവതിക്ക് പരുക്ക്
Mail This Article
×
അമ്പലപ്പുഴ ∙ ദേശീയപാത നവീകരണത്തിന്റെ ഭാഗമായി റോഡരികിൽ സ്ഥാപിച്ച മുന്നറിയിപ്പ് ബോർഡ് വീണ് യുവതിയുടെ കാലിനു ഗുരുതര പരുക്കേറ്റു. പായൽക്കുളങ്ങര സൗമ്യ മൻസിലിൽ സുറുമി (23)യുടെ വലതു കാലിനാണു പരുക്കേറ്റത്. ഇവർ പിന്നീട് മെഡിക്കൽ കോളജ് ആശുപത്രിയിൽ ചികിത്സ തേടി. കച്ചേരിമുക്കിനു സമീപം ഇന്നലെ ഉച്ചയ്ക്ക് ഒന്നിന് ആയിരുന്നു അപകടം. ബോർഡിന് അരികിലൂടെ മറുഭാഗത്തേക്ക് പോകുമ്പോൾ ബോർഡ് യുവതിയുടെ കാലിലേക്ക് വീഴുകയായിരുന്നു. ബോർഡിന് അടിയിൽ വീണു നിലവിളിച്ച യുവതിയെ നാട്ടുകാരാണ് രക്ഷപ്പെടുത്തി ആശുപത്രിയിൽ എത്തിച്ചത്. വൈകിട്ടോടെ ബോർഡിനു പകരം ഇവിടെ റിബൺ വലിച്ചുകെട്ടി.
English Summary:
A 23-year-old woman sustained serious leg injuries after a roadside signboard fell on her in Ambalappuzha, Kerala. The incident occurred during ongoing highway renovation work. Locals rescued the woman and she is currently receiving treatment at a local hospital. This unfortunate event raises concerns about pedestrian safety during infrastructure projects.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
