മുൻ ഇന്ത്യൻ കയാക്കിങ് താരം ഷിബു തോമസ് അന്തരിച്ചു

ആലപ്പുഴ∙ മുൻ ഇന്ത്യൻ കയാക്കിങ് താരവും മേൽപ്പാടം ചുണ്ടൻ വള്ള സമിതിയുടെ ട്രഷററുമായിരുന്ന കറുകയിൽ ഷിബു തോമസ് (56) അന്തരിച്ചു. ഞായറാഴ്ച രാവിലെ 11നായിരുന്നു അന്ത്യം. സംസ്കാരം പിന്നീട്. 1987 ൽ ആരംഭിച്ച നാഷനൽ സ്പോർട്സ് അതോറിറ്റി ആലപ്പുഴ സെന്ററിലെ ആദ്യ ബാച്ചുകാരനായ ഷിബു തോമസ്, 1987 ൽ കേരളത്തിൽ നടന്ന നാഷനൽ ഗെയിംസിലും 1988–1989 ല്‍ കശ്മീരിലെ ശ്രീനഗറിൽ നടന്ന നാഷനൽ ചാംപ്യന്‍ഷിപ്പിലും സ്വർണ മെഡൽ നേടിയിട്ടുണ്ട്. 1988 ല്‍ ഇന്തൊനീഷ്യയിലെ ജാക്കാർത്തയിൽ നടന്ന ഏഷ്യൻ ചാംപ്യന്‍ഷിപ്പിൽ ദേശീയ ടീമിനായി പങ്കെടുത്തു. ഭാര്യ: അനു ഷിബു (കങ്ങഴ മൈലക്കാട്ട് കുടുംബാംഗം). മകൻ: വിശാൽ ടോം ഷിബു (കാനഡ).