ആംബുലൻസ് എത്താൻ വൈകി; ടിപ്പർ ലോറിക്കടിയിൽപ്പെട്ട സ്കൂട്ടർ യാത്രികൻ രക്തം വാർന്നു മരിച്ചു
Mail This Article
×
എടത്വ ∙ മകൾക്കായി വീട് നിർമിക്കുന്ന സ്ഥലത്തേക്കു പോയ സ്കൂട്ടർ യാത്രികനായ പ്രവാസി പിന്നോട്ടെടുത്ത ടിപ്പർ ലോറിക്കടിയിൽപെട്ട് മരിച്ചു. വളഞ്ഞവട്ടം കടപ്ര ഒൻപതിൽ സഖറിയ കെ. ചാക്കോയാണ് (66) മരിച്ചത്. ഇന്നലെ രാവിലെ എട്ടോടെ നീരേറ്റുപുറം പാലത്തിനു താഴെ നിന്നും കുട്ടനാട് ജലശുദ്ധീകരണ ശാലയിലേക്കു പോകുന്ന റോഡിൽ വച്ചായിരുന്നു അപകടം. ലോഡ് കയറ്റിപ്പോകുകയായിരുന്ന ലോറി എതിരെ വന്ന കാറിനു പോകാൻ വേഗത്തിൽ പിന്നിലേക്ക് എടുക്കുന്നതിനിടെ പിന്നിലെ സ്കൂട്ടറിൽ ഇടിക്കുകയും സഖറിയ ലോറിക്കടിയിലേക്ക് വീഴുകയുമായിരുന്നു.
നാട്ടുകാർ ഉടൻ ആശുപത്രിയിലെത്തിക്കാൻ ശ്രമിച്ചെങ്കിലും ആംബുലൻസ് എത്താൻ വൈകിയതിനാൽ ഏറെ രക്തം വാർന്നു പോയിരുന്നു. ഭാര്യ സുമ സഖറിയ.മക്കൾ റിൻസി (അയർലൻഡ്), റിയ (യുകെ).മരുമകൻ ആശിഷ്.
English Summary:
Edathua NRI dies after lorry accident. The 66-year-old man was struck by a reversing tipper lorry on his way to his daughter's house construction site, succumbing to injuries after a delay in ambulance arrival.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.