ആലപ്പുഴ ജില്ലയിൽ ഇന്ന് (11-04-2025); അറിയാൻ, ഓർക്കാൻ

ഇന്ന് 
∙ അടുത്ത 3 ദിവസവും ബാങ്ക് അവധി. ഇടപാടുകൾ ഇന്നു നടത്തുക.

കാലാവസ്ഥ
∙ സംസ്ഥാനത്ത് ഒറ്റപ്പെട്ട ഇടങ്ങളിൽ ശക്തമായ മഴയ്ക്കും കാറ്റിനും സാധ്യത. ഇടിമിന്നലുമുണ്ടാകും.
∙ കേരള, കർണാടക തീരങ്ങളിൽ മത്സ്യബന്ധനത്തിന് തടസ്സമില്ല. ലക്ഷദ്വീപ് തീരത്ത് മത്സ്യബന്ധനം പാടില്ല.
∙ കന്യാകുമാരി തീരത്ത് കള്ളക്കടൽ പ്രതിഭാസത്തിനും ഉയർന്ന തിരമാലയ്ക്കും സാധ്യത.

വൈദ്യുതി മുടക്കം
ചെങ്ങന്നൂർ ∙ ഹാച്ചറി, നൂറ്റവൻ പാറ, തോട്ടിയാട്, തിങ്കളാമുറ്റം, മുല്ലേലിക്കടവ്, പേരിശ്ശേരി ഈസ്റ്റ് ട്രാൻസ്ഫോമറുകളുടെ പരിധിയിൽ ഇന്നു പകൽ വൈദ്യുതി മുടങ്ങും.

ജില്ലയിൽ മോക്ഡ്രിൽ ഇന്ന്
ആലപ്പുഴ ∙ സംസ്ഥാന ദുരന്തനിവാരണ അതോറിറ്റി ചുഴലിക്കാറ്റിന്റെയും അനുബന്ധ ദുരന്തങ്ങളുടെയും തയാറെടുപ്പുകൾ വിലയിരുത്താൻ സംഘടിപ്പിക്കുന്ന മോക്ഡ്രിൽ ഇന്നു രാവിലെ 8ന് ജില്ലയിൽ നടക്കും. തോട്ടപ്പള്ളി ഹാർബർ, ചെറുതന ആയാപറമ്പ് കടവ്, വെട്ടുകുളഞ്ഞി കടവ് എന്നിവിടങ്ങളിലാണ് മോക്ഡ്രിൽ സംഘടിപ്പിക്കുന്നത്.