നാലു വയസ്സുകാരിക്ക് പീഡനം; യുവാവിനെ വെടിവച്ചു പിടികൂടി

ബെംഗളൂരു ∙ നാലു വയസ്സുകാരിയെ തട്ടിക്കൊണ്ടുപോയി പീഡിപ്പിച്ച യുവാവിനെ പൊലീസ് മുട്ടിനു താഴെ വെടിവച്ചു പിടികൂടി. ഗുരുതരാവസ്ഥയിലുള്ള ബാലികയെയും അറസ്റ്റിലായ ദിനേഷിനെയും ആശുപത്രിയിൽ പ്രവേശിപ്പിച്ചു. മജസ്റ്റിക്കിൽ നിന്നു ഞായറാഴ്ച ഉച്ചയോടെയാണ് ബാലികയെ കാണാതായത്. കുട്ടിയെ ദിനേഷ് ആളൊഴിഞ്ഞ സ്ഥലത്തേക്കു കൊണ്ടുപോയി പീഡിപ്പിച്ച ശേഷം ഉപേക്ഷിക്കുകയായിരുന്നെന്ന് ശ്രീരാംപുര പൊലീസ് ഇൻസ്പെക്ടർ സുനിൽ നായിക് പറഞ്ഞു.

ഇന്നലെ വാട്ടാൽ നാഗരാജ് റോഡിൽ നിന്നാണ് ദിനേഷിനെ അറസ്റ്റ് ചെയ്തത്. സെപ്റ്റംബർ 18ന് മജസ്റ്റിക് ബസ് ടെർമിനലിൽ നിന്നു രണ്ടര വയസ്സുകാരിയെ തട്ടിക്കൊണ്ടുപോയ കേസിൽ, തിരുവനന്തപുരം കാട്ടാക്കട സ്വദേശി ജോസഫ് ജോണിനെ കളിയിക്കാവിള പൊലീസ് അറസ്റ്റ് ചെയ്തിരുന്നു.