ബിഎംടിസിയുടെ ആദ്യ ഇലക്ട്രിക് ബസ് അടുത്തമാസം നിരത്തിലെത്തും
Mail This Article
×
ബെംഗളൂരു ∙ മെട്രോ സ്റ്റേഷനുകൾ കേന്ദ്രീകരിച്ച് ഫീഡർ സർവീസുകൾ നടത്താനുള്ള ബിഎംടിസിയുടെ ഇലക്ട്രിക് ബസുകളിൽ ആദ്യത്തേത് അടുത്തമാസം നിരത്തിലിറങ്ങിയേക്കും. പരീക്ഷണ സർവീസ് നടത്തുന്നതിനായി ഒരു ബസ് അടുത്തമാസം കൈമാറാമെന്നു ഇ-ബസ് സർവീസ് നടത്താൻ കരാർ ലഭിച്ച എൻടിപിസി വിദ്യൂത് വ്യാപാർ നിഗം ലിമിറ്റഡ് അറിയിച്ചു. ബെംഗളൂരു സ്മാർട് സിറ്റി പദ്ധതിയിൽപെടുത്തി 90 നോൺ എസി ഇ-ബസുകൾ ഇറക്കാനുള്ള പദ്ധതി കോവിഡിനെ തുടർന്നാണു വൈകിയത്.
9 മീറ്റർ നീളവും 31 സീറ്റുമുള്ള ബസ് ആണ് ഇറക്കുക. പരീക്ഷണ സർവീസ് വിജയകരമായാൽ സർവീസ് നടത്താൻ കരാർ കമ്പനിക്ക് അനുമതി നൽകും. ഒരു കിലോമീറ്റർ സർവീസ് നടത്താൻ 51 രൂപയാണ് ബിഎംടിസി നൽകുക. 6 മാസം കൊണ്ട് ഘട്ടംഘട്ടമായി മുഴുവൻ ഇ-ബസുകളും ഇറക്കാനാകുമെന്നു ബിഎംടിസി അധികൃതർ പറഞ്ഞു.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
