വാക്സീൻ: ആദ്യ ഡോസ് പോലും എടുക്കാത്ത ആരോഗ്യപ്രവർത്തകർ 1.36 ലക്ഷം
Mail This Article
ബെംഗളൂരു ∙ സംസ്ഥാനത്ത് 1.36 ലക്ഷം ആരോഗ്യപ്രവർത്തകർ ഒരു ഡോസ് പോലും കോവിഡ് പ്രതിരോധ കുത്തിവയ്പ് എടുത്തിട്ടില്ല. സംസ്ഥാനത്ത് ഏകദേശം 9 ലക്ഷം ആരോഗ്യപ്രവർത്തകരാണ് കോവിഡ് രംഗത്തു പ്രവർത്തിക്കുന്നത്. കഴിഞ്ഞ 8 വരെയുള്ള കണക്കുകൾ പ്രകാരം ഇതിൽ 7.63 ലക്ഷം പേർക്ക് ഒരു ഡോസ് എങ്കിലും കുത്തിവയ്പ് ലഭിച്ചിട്ടുണ്ട്. ജനുവരി 16നാണ് കർണാടകയിൽ കുത്തിവയ്പ് ആരംഭിച്ചത്. ആദ്യ പരിഗണന നൽകിയത് ആരോഗ്യപ്രവർത്തകർക്കായിരുന്നു.
451 പേർ പോസിറ്റീവ്
ബെംഗളൂരു ∙ കർണാടകയിൽ ഇന്നലെ 451 കോവിഡ് ബാധിതർ. ഇതേവരെ പോസിറ്റീവായത് 29,80,621 പേർ. ഇന്നലെ മരണം 9. മൊത്തം 37,875. ആശുപത്രികളിൽ ചികിത്സയിലുള്ളത് 10,395 പേർ. ബെംഗളൂരുവിൽ ഇന്നലെ 187 പേർ പോസിറ്റീവ് ആയതോടെ മൊത്തം കോവിഡ് ബാധിതർ 12,48,157. നഗരത്തിൽ ഇന്നലെ 3 മരണം. മൊത്തം 16,183. സ്ഥിരീകരണ നിരക്ക് (ടിപിആർ)- 0.37 %. മരണനിരക്ക് (സിഎഫ്ആർ) 1.99%.